جزء السابع : حاروغ
بقيت كنشوف فسيارة وكان احساس لكنحس خليط بلحكرة وجعرة ، باينة انه بدلات بيا حيث عندوا فلوس عليا ، حسيت بعجز وانه ماعندي ماندير بعدما كتبت اسمها شحال هادي وماطرى ليها والو ، حسيت بكلاخ واني اكبر حمار على وجه معمورة لي متيق كتاب قالك حقى راه لكتب اسمو فيه كيتنحس .....
طلعت لدار بشعور بخنقة واحتقار لذاتي ، ماحملتش راسي وماعرفت ماندير ! دخلت لبيتي بركت فوق سداري كنشبك فصباعي ، وكنحاول نهدأ فراسي ، صافي مابغاتنيش علاش نفكر فيها ؟. كريم تهدن ! خديت نفس وشهقت شهقة طويلة كنحاول ننقص توتري ، تم بقيت نعاودها الى ان .. نضت ودخلت فلحيط بكروشي وغوت بكل حبالي صوتية : تفووووو انعلهااا ، انعل دي*** ، انعل اواصر أمها وطلقت غوتة حسيت ان حلقي غايخرج ... كنت ديك لحظة فقدت سيطرة ...
سمعت أختي صغيرة كتبكي ، مدازش بزااف تاع لوقت تاجات واليدة بملامح خوف وكتقولي مالك ؟ بقيت كنشوف فيها وانا كنحس براسي سخون عليا وعروقة لفيه كيزدحوا حتى صوت فقدتو ..
قربات لعندي و قالت : كريم قول مالك ؟ لكني بقيت ساكت ، بقات عليا كريم دوي مالك ؟ راك خلعتي ختك شنو وقعك لك ؟ اش طرى ؟ ياكما باك ؟ ..
خرجت من دار بدون منجاوبها ردخت لباب ، وبقيت كندور بحال مسطي وصورتها مابغاتش تحيد ليا من بالي ، ريحت فواحد جردة شعلت كارو ودماغي خدام ، مافهمتش لاش كنفكر فيها ؟ عادة انا مكنديهاش فبنادم علاش هي بالضبط ؟ حيث حلمت بحياة معاها ؟ او بنت ل*** نسات ست سنين ديال عشرا ...
بقيت على هاد حال الى جاني اتصال ، طليت لقيت معاد جاوبتو وسبق كلامو : بكريم فينك ؟
قلت بصعوبة : فجردة ؟
قال : مال صوتك ؟ مهم بقى تما هاني جاي ...
جى معاد لعندي وقالي : مالك اصحبي ؟ ، تاصلت بيا مك وقالت لي كنت كتغوت فدار ، خلعتها وخلعتني اش واقع ؟
قلت : والو غا شي مشاكل ..
قال : ياكما هي ؟
خنزرت فيه وقلت : قلب عليا هاد ساعة الله ارحم باك ..
قال : مانتحرك تانوصلك داركم
قلت : بعد مني ، لكنه بقى كيلح عليا تاداني نبات معاه ...
ماقدرتش نعس ديك ليلة بقوة تفكير ، كنفكر غا فضعفي وفحالتي كي ولات كعاهرة لهرب ليها زبون بخلاص ، كنبغي نتخلص من هاد شعور بلحكرة ونقص لكن دماغي دائما كيعاود لي نفس سؤال : باش هو حسن مني ؟ ، تمشي كلبة وتجي كلبة ماعرت لاش مصدقاش معاها هي بالضبط .. حيت اول علاقة لي كانت هي ! ...
لغد ليه مامشيتش لعمل ، رجعت لدار وماهدر معايا تاحد كي دخلت نعست تاوذن لعشى ، خرجت كميت تاني ورجعت نتكونطا ، مالقيتش براهيم مخلي ليا تا مساج وبديت كنحس بقالب نصب .. سيفط ليه ميساج وبقيت كنتسنى الى نتكونطا ، قالي : سلام تسنيتك بارح تا نعست..
قلت : ضحكتي عليا اولد كلب ، حgل مالقيت تا مترجم كتاب من غيرك حيث كتاب فأصل مكينش ، نحس ولا **** شوف هداك ولد ل*** اترجع ليا رزقي ولا غانجي اميناتوت نعصر لمك زيت اركان ف****
خلى vu وبقى شحال خلاتني نعرف اني عندي صح وانه ولد حرام نصب عليا ، لكنه قال : كتزيد تحقدني عليك ولكن نعرف اشنو وقع عاد نجاوبك ..
قلت : قلتي ليا كلما كنقرب لصفحة 13 كيتزاد نحس ؟
قال : ايييه ..!
قلت : كتبت اسم فصفحة 9 شي خمس يام هادي ومولاه كينقز قدامي كي قرد ..!
سكت للحظة و قال : تأكد واش كتبتي اسم صحيح ......
**** **** **** **** ****
