جزء التلاثون : حاروغ
شعلت كارو
وبقيت ساهي كنفكر للمدة مكانش بلقصيرة ، خديت ستيلو من عند براهيم وحليت ملف خديت
منو دوك وراق نشرتهم فوق طبلة وكتبت فملف شي سطورة وخدى مني الامر شي نص ساعة حيث
مابغيت نخلي تحاجة للصدفة كنتأكد ونعاود نتأكد ، وقبل مانعطيه للبراهيم قلت : واش
نمرة لعندك بلكونطرا ؟!
قال : لا
خديتها غي من حدى جامع .
قلت : غدا
غاتوقف عليه مني اكون مع ولدو وتعطيه هاد ملف ..
مديتو ليه
وكي شدو وقراه سيد وجهو صفار و شافيا بنفس ملامح ديك الهام لبكات قبل ماتقول انها
فقدات عذريتها وقال : قْتّلنِي .. صافي غيقتلني خليك عليك غي ولادي ودير فيا
مابغيتي
بقيت ساكت
وكنشوف فيه بديك نظرة ديال غاديرها غاديرها ، سد ملف وهو كيحاول اتجنب نظراتي ،
شوية قال : هادي اخر حاجة نديرها ونشوف ولادي ؟!
طليت فساعة
وقلت : ماعديش وقت ليك ، ندخل فموضوع دريكت مني تعطيه ملف غايقراه وعلى اغلب
غايمكشوا والوحوا ولاكاع شدو وشك فهاديك ماشي كتبتي اصلية ونمرتك لمكتوبة معندهاش
كونطرا مغيعرفش مولاها الى جاب الله ديكلارا بيك ...
مكتوب فملف
ان غدا مع ساعة سابعة غايموت باه ، بعدها بنص ساعة سميرة (مطلقة) بعدها بساعة ونص
مو ، اما ولد صغير فهو فخوفاً عليه يعيط ليك و غايعطيك 500 مليون كاش فشاكوش
فخنشة مايهمش مهم غدا غاناخذ منك الامانة ، شكيتي قالها لبوليس او شي حد من
معارفوا فغانعرف غلط منك حيث مني غاتعطيه ملف ميساج لول لغاتوصل هو لمهم خاصوا إثر
فيه ، خاصوا افكر ان نوبة غاتجي على ولدو الى معيطش ليك ، خوفا على ولدو غادي اعيط
تاخذ الامانة وتعيط لي فنمرة اخرى من غير هادي لغتهرسها بعدها تقدر تشوف ولادك .
سكت للحظة
وهو ساهي بحالا صورة ولادو وقفات ليه قدام عينو وقال :بصح غانشوفهم ؟!
حركت راسي
بأه و قلت : ولكن أي حاجة وقعات من غير هادشي لي قلت مغاتشوف لا ولاد لا حفاد ،
بقى عندي سؤال واحد ؟
قال : تأنا
عندي سؤال ؟!
قلت بغضب :
خشيه ف**** ، انا لكطرح الاسئلة هنا ...
حنى راسو
وقال : سمحلي ..
قلت : بغيت
نعاود اسم فايت مكتوب !؟
قال : قلت
ليك خاصك تمضي عقد تدفع ...
قاطعتوا
وقلت : عارف دخل فموضوع ارا ليا طريقة ؟!
طلع نفس
وعاود هبطها وقال : ركز معايا ، غاتمشي للصفحة لفيها اسم لباغي تعاود تكبتو ،
بالضبط فبلاصة لختم شيطان لهاد شخص جرح راسك واخوي شوية دم فوق ختم وقبل مايتختر
دم حط قلم فوقوا وسني نفس سينياتور لسينتي فعقد لول ديال ملكية كتاب الى تمص دم
فبلاصة وبان امضاء فوق ختم ، فعقد تمضى !
قلت باستغراب
: صافي ؟!
قال : مزال
، خاص داك شخص لناوي تعاود اسمو اشوف سميتو فلكتاب بمعنى ان ضحية تشوف سميتها باش
قرينها ابان ليه الامضاء فوق ختم واكتب اسمها فعالم غيبيات ..
قلت فخاطري
تباً !! ، بقيت كنشوف فيه وساكت كنحاول نستوعب وكنتسائل فنفسي اش هاد تعقيد كامل ؟
، قلت : نمشيوا خطوة خطوة ،نحط دمي فوق ختم ونسيني فوقوا كيفاش الى تمص وابان
امضاء فوق ختم ؟!
قال :
غاتبان بعقة حمرة فوقها ختم وفوقهم بجوج امضاء ديالك هذا كيعني ان عقد تمضى !
قلت : بيني
وبين من ؟!
قال : بينك
و بين شيطان لعطاك كتاب نهار لول ...
قلت : اش كتخربقك
ياك لغايكتب لاسم هو قرين ؟!
قال : نتا
لحتينا موضوع اخر دابا ، وغانشرح ليك الى فتحتي معايا دماغك ، تخيل فكتفك ليسر كين
قرينك لكان معاك من نهار تزاديتي ،وتخيل انه من نهار مضيتي عقد تزادك واحد اخر
فكتفك ليمين قوى من جميع شياطين ، نهار طبقتي طريقة لعطيتك باش تاخذ اسماء واليدين
بمجرد قرب حاروغ من ضحية فداك شيطان بلقوة ديالو كيأمر لقرين ديال ضحية اكتب اسماء
والديه . ومني تبغي تعاود اسم شرط ديالوا هو ياخذ ربع روح ، واشوف قرين ضحية اسمو
مكتوب فحاروغ باش اعرف شنو خاصوا دير ..
سرطت ريقي
وقلت : بمعنى الى بغيت نعاود نكتب اسم خاص مول اسم اشوف لكتاب ؟!
قال : اه !
قلت :
وكيفاش غايعرف إنا صفحة باغي نكتب فيها ؟!
قال : كنت
جاييك لهدرة ، تمشي لصفحة لباغي اتكتب فيها اسم ، لخانة لخاصة بلختم تمضي تما وهو
غايتكلف بلباقي ، نقولك واحد حاجة مهمة، هاد تعقيد كامل تحط باش اتجنبوا مالك كتاب
، حيث الى جاب الله تدار فمالك هو لغايجني على نفسو و حساب غايكون عسير مع شيطان
فدنيا ، وخالق كل شئ فالاخرة ..
قلت : وشنو
غاينقص ؟! الى فلول خدى نصف روح وخداه معاه احساسي بذنب ؟!
قال :
لخاصك تفهم ان روح ماشي ديالوا بل ديال الله ، حيث من غايوصلوا عليك بعد اكتمال
عام غيبي غايردو ليك روحك كاملة قبل ما يقبضها الله ، وشنو لغاينقص مانعرف ! هوما
خداو لمهم داك ضميرك لي كون كان لما تحولتي لشيطان فوق الارض ..
قلت : ولكن
تا قلتي لي غاتولي اسوأ من فرعون !!
قال : اه
قلتها هادشي فحالة الى مشات روحك كاملة غاتولي تحس براسك "اله" و عياذ
بالله ..
سرطت ريقي
وبقيت كنشوف فيه .. قلت : اش كتسنى ؟! نوض ق** قضي شغلك ..
نااض وقال
: بقى عندك كلمتك الى قضيتو غانشوف ولادي ، غانزيد جملة وحدة ونمشي فحالي !
شفت فيه
بدون مانهدر وقال : كون كنت فبلاصتك لشنقت راسي قبل مايوصل عليا .......
يتبع
الى تخبلو خيوطة مخك ومافهمتي والو ، فلمهم هو تفهم ان مول داك اسم لباغي اعاود خاصوا اشوف اسمو فلكتاب ، والى بغيتي تزيد تفهم فعاود قرا(ي) بشوية عليك
(وغاتفهم(ي
تكملة قصة : جزء الواحد و تلاثون حاروغ
******************************************************
