جزء الرابع : حاروغ
حاولت نواسيه وانا عارف انني انا سبابو
، وبهاد غلطة كبيرة اقدر افقد عمل ديالو ، رجعت لبلاصتي حليت كتاب ولقيت طبعة
فخانة خامسة جاتني صدمة اواااه بهاد سرعة ، تحيد داك شك وتبدل بليقين بقيت كنشوف
فلكتاب وابتسمت بدون مانعشر بهاد كتاب اي واحد اوقف قدامي نحيه ، واول من طاح
فبالي داك لقرع ديال مدير لكن ماعرفتش سميت مو وباه ، بديت نفكر منين نجيبها
ومانقدر تقوليا سوى سكرتيرة ديالو ، نضت نمشي لعندها باش نسل ليها نسالها مع حليت
باب جاني اتصال وحسيت كأنما رعدة نزلات عليا فاش لقيت نمرت سارة ......
مني شفت نمرتها اول سؤال جات فبالي اش
بغات هاد **** مني ، واش نجاوبها ولا بلاش ! ولا تاوقعات فموصيبة عاد كتعيط ، بقيت
متردد شحال تاقطع تيلي
لراسو ، وليت ناسي تالاش كنت واقف ، رجعت لبيرو حطيت تليفون قدامي وبديت نخمم وانا
فخاطري كنقول الى كانت محتاجاني غادي تعاود تعيط ليا لكن تسنيت شحال و معاوداتش اتصال دقات
ستة وقبل مانوض كتبت اسم فلكتاب وخرجت فحالي ...
درت مع دراري نتلقاو فقهوة جا غاسمير
اما معاد فبعد عشرين أبيل عاد جاوبني ، قلت : مالك اصحبي ؟..
كان صوتو متهدج وبحالا كيتألم قال :
اخويا كنت راجع من خدمة ندوز عندكم ساعة طاح عليا محبق ...
قلت : محبق ... وانا نتفركع بضحك ..
قاليا : ضحك جات معاك راه تحل ليا راسي
من لور وانا دابا كنتسنى نوبتي فمصحة مهم نشوفكم غدا !
ماعرت لاش كتبت اسمو قبل مانخرج من
خدمة ، ماعرفتش واش مزال شاك ولا كنقول غي صدف ، لكن جوج اسماء لكتبت فنفس ليوم تصابو بنحس ....
قطع معاد وعاودت لسمير اش طرى ، قاليا
يلاه نشوفوه قلت خليها تال غدا ..
بقينا مريحين ساكتين وفكل مرة كنشوف
فسمير اعاود ليا على لي وقع لسارة ، لكن مانطق بوالو تأنا مابغيتش نجبد موضوع
لايصحابني مزال
مهتم بها ، دازت لعشية هكا الى ان تفارقنا رجعت لدار ، تعشيت ودخلت لبيتي نتكونكطا
لقيت ميساج من عند براهيم قال فيه : عاهدت نفسي وقسمت بلي خلقني وتحرام عليا جنة اما نقولك اخر بند
فحاروغ ..
قلت : تهدن .. اشمن بند ولا ..؟ تا اش
كتخربق !؟
قال : خلي وقت ابين لك ، ضارب 600
كيلومتر فلخر ضحك عليا ..
قلت : سمحلي مابقيتش باغي نبيع
قال : غانبقى على اتفاق ترجمة
قلت : واخا ، عندي سؤال الى كتبت اسم
وكنية بدون اسم الاب والام اش غادي وقع ؟
قال : والو
قلت : ولا كتبت اسم وكنية صحاح و اسم
الاب وام مخربق ..
قال: الى مكانش اسم فواقع ايتمسح فجدول
..
قلت : والى بغيت نمسح اسم من جدول
قال : خاص تملكو لي شي واحد اخر !
قلت : والى قطعتوا ..
قال : جميع لعنات لي فهاد الارض غاتنزل
عليك ، وبلاما نقولك كيفاش غاتموت ..
قلت : والى ب.... مع بغيت نكمل ميساج
سيفط ليا نمرة طويلة وقال : براكة شرحت ليك دابا كلشي لي فقرة لولة وزدت كاع من
راسي مهم متقطعوتش
ماتحرقوش ماتلوحوش الى بغيتي تبقى سالم ، اما الان هاكونط بانكير ديالي اي معلومة
او ترجمة لفقرات جاية عوض 2500 اتعطني 3500 درهم
لسطر واحد ماشي فقرة ..
عرفتو حقد عليا .. قلت ليه : واخا ....
وانا فخاطري كنقول أ والله لا شميتها ..
قال : سطر لبعد فقرة لولة كيشرح طريقة
باش تجبد اسم الاب والام حتى لو مكنتش عارفهم ...
معطانيش معلومة عطاني فقط التلميح ،
بهاد طريقة ولد حرام عرف اعاود اجرني لعندو وانا لقلت ان ترجمة كتاب ماشي مهم ،
الى تمكنت نجبد
اسم الاب واسم الام ديال اي واحد ف "مليك" زبورت مو نكتب اسمو فصفحة 13
وفسطر لخر .....
**** **** **** **** ****
