جزء الخامس : حاروغ
معطانيش معلومة عطاني فقط التلميح ،
بهاد طريقة ولد حرام عرف اعاود اجرني لعندو وانا لقلت ان ترجمة كتاب ماشي مهم ،
الى تمكنت نجبد
اسم الاب واسم الام ديال اي واحد ف "مليك" زبورت مو نكتب اسمو فصفحة 13
وفسطر لخر .....
فكرت ديك ليلة فهدرة براهيم وطريقة
لقال لي لنجبد اسم الاب والام حتى لو مكنتش عارفهم ، لكن 3500 درهم وماعدي تضمانة
انه غايترجم ليا ،
سهرت ديك ليلة وانا كنقلب فحاج google
, لكن مالقيتش لترجم ليا اللهم من بعض لتايقولوا مترجمين لكتب نادرة كاينين بزااف
ف deep web او ويب مظلم والاثمنة
باش اترجم كتكون خيالية ، قريت بعض مقالات لي لقيت لكن ماشي فكتاب حاروغ فبعض كتب سحر
، مقال واحد لثار انتباهي وكان كيهدر على حروف نارية ومائية داكشي ديال دجل وقراءة
فماء وتظاهر بعلم غيب ، فهاد مقال واحد جملة دارت لي قوق فراسي فاش قال كاتب
"لماذا كبار شخصيات وملوك لا يُعرفون اسماء ابائهم وامهاتهم للعامة ؟ "
....
بقيت كندور فبحر مقالات بدون مانقدر
ناخذ معلومة لبغيت او نلقى مترجم لي ترجم هاد كتاب ، طفيت تليفون تكيت وبديت نفكر
فمصير مالك كتاب لكان قبل اش كان كيدير كتاب فمقبرة ؟ واش هذا كيعني انه مات ؟
حاولت نتذكر وجهو فحلم ساعة ماقدرتش .. بقيت على هاد حال كنفكر ونخمم تطاحت فبالي
سارة وقلت : غدا غانسمع خبارها ....
غد ليه مشيت لعمل ووصلت مع غوات مدير
على زميل لي اسمو حميد لخسر بيسي ومشاو ليه ضواسة ، ريحت فلبيرو خدام وبعد نص ساعة
دخل حميد ردخ باب ، ريح فبلاصتو شعل كارو دار رجليه فلبيرو وغوت وقال : انعل قرع
تاع بوك !
سولتو اش دار معاه ؟
قال : لقرع قال عندي اسبوع باش نرجع
كاع خدمة ديال ست شهور ولا نقدم استقالتي وقالي قول كريم اعاونك
عوجت قنانفي وقلت : شناهوااا ...
نضت مشيت عند سكرتيرة ديالو وكان عندي
معاها .. سميتها الهام من داك نوع ديال قوة مكياج وروايح لكنها خيبة ، سلمت عليها
ودورت راسي لقيت كولوار خاوي ، قربت وجهي لعندها وشميت ريحة لدارية وانا نقول coco chanel : ،
شافت مخنزرة وقالت : شوف راني ممسالياش
ليك ضحك خليه تاتكون خدمة قليلة ، شو شحال ديال فكتورات عندي قول اش بغيتي وحيد من
قدامي ..
قلت ليها : عندي اطليبة !
هزات راسها وقالت : سربي قولها !
قلت بصوت هادئ : شنو سميت حاجة وحاج
؟!!
قالت : علاش جاي تخطب ؟
قلت : الى بغى الله
ابتسمت وقالت : عربي وعايشة مزال
ماحجوا
ضحكت وهنا عرفت اني هيأتها لداكشي
لبغيت ، قلت ليها : باغيك فشي حاجة مهمة من بعد ودابا تاصلي بلقرع باغي موعد معاه
دابا ..
تاصلت بيه وقالت ليا دخل .. حليت باب
ناض استقبلني بديك صلعية لامعة , سلم عليا وبدى كيضحك فوجهي ، قالي اش حب خاطر؟..
قلت ليه : سمحلي ديك خدمة لخرب حميد
مايمكنش نعاودها معاه خدمة ست شهور نكملوها فسيمانة وانا اصلا عدي خدمة معطلة
وسوايع اضافية مزال ماتخلصتش فيهم ..
قال : سي كريم مكينش ميمكنش هذا ماشي
طلب بل الامر ..
قلت : ولكن ..
رفع صوتو وقال : مكاين ما ولكن تفضل
لبيرو ديالك ..
نضت وانا مكرهتش نشير عليه بهاد كرسي ،
وقبل مانحل باب نخرج شفت فيه وقلت : سمحلي ولكن عندي طلب ماشي آمر
قال : آمر اسي كريم ..
قلت : شنو سميت حاجة وحاج ؟ ....
دار حركة بيدو وقال : تفضل لمكتب ..
حليت لباب وانا شي حاجة واحلة فحلقي
مقدرش نسرطها ، وحلات ليا قمعة وماقدرتش نتقبلها ، ومن من ؟ من مدير ، سديت باب
وقلت فخاطري عليا بليمين ماتبقى فيك ، مشيت عند الهام ومع كنت مهزوز ومتوتر وجعرة
شداني دخلتها دريكت وقلت سميت واليدين لقرع؟.
شافت فيا شوفة ناقصة وقالت : تا مالني
مقدم ، اش باغي سميت والدين ؟ ..
قلت : غا...
قطعاتني وقالت : كريم قلب عليا هاد
ساعة عفاك ..
شفت فيها وانا كنغلي بغضب ، ضربت بيرو
ديالها بجهد وقلت : عقلي على هادي ، ومشيت لبيرو ديالي وراسي كيفور عليا ، ريحت فكرسي
، هزيت ستيلو ، حليت شكارة وجبدت كتاب ، صفحة خامسة ، الهام ، كنية : ... ، اسم اب
: ... ، اسم الأم : ... ، سديت كتاب
جبدت تليفون تاصلت ببراهيم .. تافقت نسيفط ليه 3500 درهم الى هو
وراني طريقة نعرف اسم اب والام ..
قال : تاتسيفطها
قلت : وشكون اضمني ..
قال : الله ضامن .. وقطع ...
خرجت من خدمة بزربة فيرسيت لفلوس لكونط
ديالو ، لكن لزاد مرضني هوما قالوا لي مايتسيفطوا من دابا ثلت يام حيث بنكة مختلفة
على
لداير انا ، عاودت تاصلت لكنه ولد كلب
طفى تليفون ، كان داك صباح خاسر بحالا شي حد كتب اسمي فحاروغ ..
رجعت لبيرو عند حميد تافقنا على تقسيم
عمل ، جا فيا واحد جبل ديال ضواسة خاص اعاود اتلاح "لسيرفر" ، بدينا
خدمة وحنى غي
كنسبوا وكلعنوا فلقرع ، ومع كثرة عمل
نسيت نعرف اش وقع إلهام ، خرجت مع تمنية مشيت دريكت لدار ، غا كليت ونعست ...
جا لغد ليه مجاتش الهام ، طليت فكتاب
لقيت طبعة ، لكن واش صابها نحس لبارح اولا ليوم ؟ ، داز نهار فكثرة خدمة ولغد ليه
تاني
تفاجئت مجاتش ، هنا دارت خبار فخدمة
انها تهرسات فرجليها ، فستراحة مع طناش مشيت عند واحد صحبتها
روح بروح ، سولتها عليها ..
قالت : هي فسبيطار مي حمد لله حسن من
بارح ..
قلت : اش وقع؟ ..
قالت : والو غا طاحت وتقصحات فرجليها
..
بقات كتشوف فيا شحال وقالت : عطيني
عاهد ماتقولها لشي حد
قلت : وعلى رقبتي ..
تنهدات و قالت : لبارح فصباح فشارع نيل
، كانت جاية الهام لخدمة تلوات ليها رجليها بسباب طالون وتهرسات ليها شوفية ومع
شارع خاوي بقات طايحة الارض حتى جا واحد
شيباني وقف عليها بموطور قال ليها غايعاونها وغايديها لسبيطار ، هزها فمطور وعوض
مايديها لسبيطار داها لخلى غتاصبها ....
**** **** **** **** ****
