جزء الثالت : حاروغ
قلبت فيس واتساب لقيتها مبلوكياني فيهم ،
ماتسرطاش ليا حسيت بأقود شمتة فحياتي ، وفنفس لحظة جاني اتصال من عند براهيم ،
جاوبتوبغضب وقلت : سير الله انعل **** بوك اولد ل**** مابقيتش بيع ....،
بقى كيصوني عليا براهيم لكني قطعت عليه وطفيت
تليفون ، تكيت فسداري وانا كولي نترعد وشداني بكية ومابغيش نبكي بقيت نتقلب كنحاول
ننعس ، لكن صورتها مابغاتش تحيد لي من بالي ، شعلت تليفون وبقيت كنسمع تسجيل
"يانتزوج بيك ياعمري نتزوج " .. حتى داتني عيني
..
لغد ليه وانا فعمل جاني ميساج من عند براهيم
كيقولوا فيه والله مغنسامحك ، سيفط ليه ميساج بسخرية وقلت : شنو سميت باك ومك ؟ ،
داز نهار وانا كنتسنى نسمع موصيبة لغاضرب ديك
عاهرة ، ومع مكانتش خدمة بزااف جبت معايا داك كتاب باش مرة مرة نطل عليه ، حسبت
انا صفحة كتبت سميت سارة فيها كانت صفحة تاسعة ، وفخانة خامسة كانت طبعة مختلفة
على طبعة لي فصفحة لولة ، من ركزت عليها مزيان لقيتها على شكل عقدة ....
جبدت ستيلو وانا ناوي بصح نجرب تأثير كتاب هنا
فخدمة ، كتبت سميت زميل لي فعمل فصفحة تانية ، كيريح غي فلبيرو لحداية ، كنت عارف
سميت مو وباه حيث فايت زرتو ، سديت لكتاب ودازت ثلت ساعة تقريبا مع ناض بغى اخرج
تشدات ليه رجلوا فخيط ديال بيسي تعكل طاح ، وجر معاها بيسي تاهو طاح فالارض ، نضت
نعاونو وانا شداني ضحكة ، رجعنا بيسي بلاصتو ومع بغى اشعلوا مابغاش اشعل حاول
معاها و والو شد فراسو وقال : ميمتي خدمة ديال ست شهور وكاع ضواسة ديال لكليان
مشاو ..
