جزء الثالت : كريم
بعد نهاية دورة لولة قتارح
عليا واليد نمشي معاه لعروبية باش اشوف بقعة الارض ديالو لوارثها من جدي ياكما مستاغلينها بلا خبارو حيث بعض
سكان دوار كيزرعوا فيها بدون اذن منو او لا عمي (لساكن معنا فنفس دار) بدى ابني
فيها .. الاب ديالي على خلاف مع عمي بسباب تقسمة "تركة" لمعجباتش عمي
وبغى اخرجنا من دار واستولي عل املاك بعدما جاب وصية مشكوك فيها مع علم ان واليد
كبر من عمي ووصلات لقضية لمحاكم.. ماعلينا
مشيت مع واليد لعطيتو موافقة نيت نبدل جو شوية وبعد ساعتين ديال طريق وصلنا ، خرجنا من سيارة ، ودرنا دورة تفقدية ووراني حدود الارض ديالو وانه ناوي ان شاء الله الا ربح قضية مع عمي ، ادير فيها مزرعة مغطاة وازرع فيها جميع انواع خضار وفواكه وابيعهوم بجملة ، الارض كانت كبيرة وتصلاح لهاد نوع من مشاريع ...
مشينا لدوار عند دار جدة لي ستقبلاتنا بحفاوة ومن فرحتها ذبحات لينا فروج للغذى تغذينا وقالي واليد يلاه غانصليو لعصر وغانمشيو لكن جدة وعمتي وراجلها منعونا نمشيو بغاو نباتو عندهم تال غدا وبعد جدال مطول قررنا نباتو خصوصا مني سمع واليد بلي كاين عرس هاد ليلة ....
ديك لعشية كانت جدة مشغولة ومابغيتش نبرزطها كنت بغيت تعاود لي قصص عن جن وقعات فدوار او لا عاشت شي تجربة معاهم ... خليتها ، وقرب موعد لعراسية جاب ليا راجل عمتي واحد جلابة على قياسي كانت ديال ولدو ولبس واليد جبادور وهو كيقول بتكبر نخاف انتغالط لهم مع لعريس ههه ...
كان لعرس فدار لمقابلة مع دار جدة ومع ستة دل عشية بداو تحضيرات وكنت حاضر معاهم بناو كيطون وحطو كراسى ودورهم على طبالي و جا لجوق ومعاهم شيخات .. قادو بيفان و وراهم كان واحد بيت فيه عيالات كيقادو فيه بانت ليا جدة معاهم فدخلت معاها ..
بيت كانت مزوقة غي من باب معلقة فيها يد خماسية وسطها عين ولداخل كاين ناموسية للشخصين ومفرشة بثوب بيض وفيه واحد ريحة زوينة سولت جدة ديالاش هاد بيت ؟ مجاوبتنيش وقالت سير خرج عند باك راه شوية غادخل لعروسة ...
فعلا خرجت وبركت حدى واليد لكان كيتسالم مع اهل دوار وحدانا راجل عمتي بداو اغاني شعبية وشطيح شيخات حسيت بواليد حشم حيت دوك شيخات مهورات كيقربوا تال حدانا حتى كنتقابلوا مع مؤخراتهن وصدورهن ضخمة باش الا شيحد بغا اعطيهم لغرامة بلاما انوض غي اشير بعشرين درهم تجي تال عندو ...
ناض واليد ودار سبة بنعاس باش امشي لدار ووصى عليا لحسين (راجل عمتي) ..
حطو لعشى وجا لعريس تعشى معنا ... مني سالينا دخل واحد راجل كبير وهمس فأذن لعريس داك راجل هو بات لبنت كيما قالي حسين ناض لعريس وعطى اشارة باش ابدى جوق تاني وخرج هو من كيطون .. مادازش بزاف تاع وقت تا بان ليا لعريس فسقف ديال داك بيت .. سولت لحسين
- اش كيدير هداك تما ؟ فلول دار راسو مسمعنيش لكن لحيت عليه وجاوبني
قال ؛ خايف ليتخطى شي تقاف
-وشناهوا تقاف ؟
- تقاف هو سحور الا تخطاه راجل مايقدرش ادخل على مراتو (قالي
بهاد عبارة مايقدرش ادير ليها والو) وكيكون فعتابي ديال باب او شي بلايص كيمشي ليهم لعريس
بزاف ( وشرح لي بتفصيل قضية سروال وقطرات دم )
قلت :
يعني بخطوة افقد قدرة على ...
قالي : ماتقتيش ؟ داك عام وقعات لولد هنية وباك عارف قصتو مني تخطى تقاف وبقاو وكيتسناو فيه كثر من ساعة فلخر مخرجش سروال وصدق مطلق لبنت ..
شوية خرج لعريس وهو كيفرنس سكت لجوق وبداو عيالات كيزغردوا ، يعني بنت باقا فميكتها ... شد لي حسين فيدي وقالي يلاه غانمشيوا لعرس سالا ..
لغد ليه فصباح فقت معطل غسلت وجهي ودخلت لكوزينة لقيت جدة كتخوي فواحد ميكة فيها طروفة ديال ثواب كحلين ومربوطين من طرفين و مربعة بحال شكل قالب سكر و اول لحاجة طاحت فبالي بلي هذا هو "تقاف" حيث شكلهم كيخلع .. فبلاصة سولت جدة
أنا : جدة هذا هو تقاف ؟
شافت واحد شوفة فشكل وحاولات تخبيهم بيدها وقالت : أٓ لا لا اولدي هذا غي عشوب (ورجعاتهم للميكة)
عرفتها كتكذب حيت لحظة مني دخلت لكوزينة كانت كتخوي فيهم وهي مزال ماشفتنيش غي شافتني توترات ورجعات داكشي للميكة .. حطات ميكة فوق ماريو وعطاتني نفطر تم خرجات ..
نضت من بلاصتي وانا هاز معايا لكرسي طلعت فوقو و جبدت ميكة خديت منها واحد حيت كانو شي خمسة مني هزيتها شمائزيت كنت كنحس بحالا شعر قاصح خارج منو ، حطيتو فجيبي وربطت ميكة رديتها لبلاصتها ودرت راسي كنفطر ...
بديت كنفكر واش فعلا جدة هي لكتسحر لناس ؟ ؟ الاجابة ماتعطلاتش دخل لحسين وهمس ليا فوذني قالي راه جداك جابت ميكة عامرة بتقاف ؟
انا : يعني جدة هي لكتسحر لهم
لحسين : أ لا راه قبل مايبدا لعرس بيوم ولا نص نهار كيتجمعوا لعيالات يإيما من اهل لعروسة ولا جيران مقربين وكيقلبو عليهم ولي لقى شي حاجة كيتجمع باش اتبطل سحر وفلخر كيحرقهم
أنا : وشكون لكايسحر لعروسة ؟
لحسين : باينة حسادات وصحابتها لي بلا بزواج ..
سكت وبقى كيشوف فيا شحال بحالا بغى اقول شي حاجة ومتردد جمع نفس و قال : عمتك خرجات لكسيبة وجداك ماعرت فين مشات وبقيتي ليا غي نتا ..
أنا : شنو ؟
لحسين : قول لباك اسلفني 200 درهم نفك بيها اش كريدي (عليها سيد عاطيني وقت)
قالي : ماتقتيش ؟ داك عام وقعات لولد هنية وباك عارف قصتو مني تخطى تقاف وبقاو وكيتسناو فيه كثر من ساعة فلخر مخرجش سروال وصدق مطلق لبنت ..
شوية خرج لعريس وهو كيفرنس سكت لجوق وبداو عيالات كيزغردوا ، يعني بنت باقا فميكتها ... شد لي حسين فيدي وقالي يلاه غانمشيوا لعرس سالا ..
لغد ليه فصباح فقت معطل غسلت وجهي ودخلت لكوزينة لقيت جدة كتخوي فواحد ميكة فيها طروفة ديال ثواب كحلين ومربوطين من طرفين و مربعة بحال شكل قالب سكر و اول لحاجة طاحت فبالي بلي هذا هو "تقاف" حيث شكلهم كيخلع .. فبلاصة سولت جدة
أنا : جدة هذا هو تقاف ؟
شافت واحد شوفة فشكل وحاولات تخبيهم بيدها وقالت : أٓ لا لا اولدي هذا غي عشوب (ورجعاتهم للميكة)
عرفتها كتكذب حيت لحظة مني دخلت لكوزينة كانت كتخوي فيهم وهي مزال ماشفتنيش غي شافتني توترات ورجعات داكشي للميكة .. حطات ميكة فوق ماريو وعطاتني نفطر تم خرجات ..
نضت من بلاصتي وانا هاز معايا لكرسي طلعت فوقو و جبدت ميكة خديت منها واحد حيت كانو شي خمسة مني هزيتها شمائزيت كنت كنحس بحالا شعر قاصح خارج منو ، حطيتو فجيبي وربطت ميكة رديتها لبلاصتها ودرت راسي كنفطر ...
بديت كنفكر واش فعلا جدة هي لكتسحر لناس ؟ ؟ الاجابة ماتعطلاتش دخل لحسين وهمس ليا فوذني قالي راه جداك جابت ميكة عامرة بتقاف ؟
انا : يعني جدة هي لكتسحر لهم
لحسين : أ لا راه قبل مايبدا لعرس بيوم ولا نص نهار كيتجمعوا لعيالات يإيما من اهل لعروسة ولا جيران مقربين وكيقلبو عليهم ولي لقى شي حاجة كيتجمع باش اتبطل سحر وفلخر كيحرقهم
أنا : وشكون لكايسحر لعروسة ؟
لحسين : باينة حسادات وصحابتها لي بلا بزواج ..
سكت وبقى كيشوف فيا شحال بحالا بغى اقول شي حاجة ومتردد جمع نفس و قال : عمتك خرجات لكسيبة وجداك ماعرت فين مشات وبقيتي ليا غي نتا ..
أنا : شنو ؟
لحسين : قول لباك اسلفني 200 درهم نفك بيها اش كريدي (عليها سيد عاطيني وقت)
جا واليد
قلتها ليه ودار فيه ، حيت سيفطني ليه وماجاش لعندو دريكت عطاها ليه وخرجنا مشينا
عند عمتي فين كتسرح لقينا معاها جدة سلمنا عليهم وشدينا طريق لكازا وانا كلي شوق نحل هاد عجب
نشوف اش فيه
يتبع ...
