جزء الرابع : كريم
وصلنا لكازا حطني واليد عند باب دار ومشى هو لخدمتو طلعت وانا تلاقى بختي سلمت عليها وقالت لي بلي مني مشتي ول بارح وكوتر كتسول فيك ..
قلت : ولاش بغاتني ؟
قالت : ماعرت ! راه جات عندك تال دار
قلت : وشافتها واليدة ؟
قالت : اه هي لحلات ليها باب ..
وايني هاد لقردة ماكتحشمش .. كملت طلوعي وانا خايف لتبدى واليدة تغوت عليا حيت عارف كوتر برگاگة وخفت لتعاود ليها قضية "مسيكة" او تقول ليها بعض فروض لمجبتش فيهم مزيان ناهيك عن حشمة انني دازت عندي بنت ..
دخلت لدار قلت سلام عليكم وانا نتخبى فبيت .. شوية دخلات واليدة وقالت لي : راه جات سولات فيه بنت مليكة (كوتر) مني سولتها اش بغيته قالت بلي هو عارف ؟
قلت : اه غي واحد دفتار خلاتو عندي ..
شوفة لي شافت فيا بحالا كذباتني ناضت من بلاصتها وقالت : راه كذاب كينعلوه ملائكة وخرجات
فديك لحظة طلع لي دم وقررت نخرج عندها ... لقيتها مجموعة مع بنات فدرب بْنْت ليها وجات عندي وانا نسمعها جميع انواع سب وقلت ليها اخر مرة تحط رجلك فديك دار ... بقات تشوف فيا وانا كنغلي وجاوبتني ببرود قالت : ياااه على مقعدين راه ولا عادي بنت دوز عند ولد وعكس
أنا : عادي عندكم ماشي عندنا اش بغتني ؟
كوثر : جات عندي سلمى وسولاتني فين ساكن تا وقالت لي مانقولهاش ليك ! يعني داكشي لقلت لك راه صدق
أنا : وانا مالي الله انعل ****** نتي وياها هادشي علاش سمعت معاني من عند واليدة .. ومشيت وخليتها
أسرة كوثر هو وسط منتاشر فيه ميوعة بشكل كبير ختها لكبيرة في إما ندوز قدام ليسي فين كتقرى كتبان لي مع صاحبها وخوهم لكبر منهم "مشومي" لا خدمة لا ردمة وبعض مرات كيجيب بنات اطلعهم لدارهم بلعلالي قدام والديه وشراب وطاسة وحشيش وما الى ذلك .. ، بحكم انا دار دارهم ولخو شاد برطما لراسو ولمخير ميقدرش اهدر معاه حيت واخد ديك صفة ديال لمشرمل وانه هو واعر فدرب .. اما الام فمقابلة شوافات وعين وحسد ونسات تربية ولادها والاب هو لحلقة الاضعف فهاد الاسرة ديما ساهي بحالا موكلة ليه و هو لكيصرف عليهم ..
رجعت لدار وسديت عليا لبيت جبت ديك شرويطة وحيدت دوك عقد لفيه تم بديت ندورها حيت كانت ملوية ... ريحة لكنت كنشم فيها بحال ريحة بول مجهداا و خاانزة درت جوج ميكات فيدي من باب لحتياط ..
غي حليتو وهو اطاير عليا شعر كحل حيت كان بزااف وعقدة كانت مزيرة عليها ،
قلبت فهاد شعر كثيف لقيت بلاستيكة مربوطة قطعتها و وسطها كاينة تصويرة ديال بنت (لعروسة) بيض وكحل دايرين ليها فوطوكوبي وفيها شي بقع حمرين وشي حاجة بيضة كتلسق وورى تصويرة كاينة كتبة مامفهوماش يلاه قدرت نميز بعض كلمات ( زوج و زوجة ، بحق ، "وديما حرف "قاف" كيتعاود فكل كلمة")
مافهمت والو فقررت انني نوريها لكوثر باش توريها لمها ،
مشيت لعند كوثر وبديت نرطب فيها ونطلب منها سماحة بدات كتنفخ عليا وتقول لي تا كتجي غير على حاجتك يلاه قول اش بغيتي .. وقبل مانقولها حلفتها كتر من عشرة مرات باش ماتقولش لمها بلي انا لعطيتو ليها تم جبت تصويرة وديك شرويطة
كوتر : شنو هذا ؟
انا : هذا هو تقاف
تخلعات ورجعات جوج خطوات لور وقالت لي بعد عليا هادشي وبعد طلب ومزواكة هزات داكشي فطرف ديال كارتون ولحيت عليها باش تقول لمها بأنها لقاتو فعتبة ديال لباب .. وافقات ومشات
تسينتها قدام باب دارهم شي ربع ساعة .. شوية خرجات مها ببيجامتها كتجري ودارت مع دورة جهت جامع وتبعتها كوتر لجراتني لجردة عاد بدات تشرح لي ، قالت بلي ديك بقع حمرين هو دم حيض عروسة وديك حاجة بيضة هو مٓنيِ رجل وكتبة هو فقط نداء لأحد جن او شيطان باش امنع اي علاقة دارتها هاد مرى مع اي واحد من غير هاد راجل لي لاح مني ديالو فهاد تقاف ..
تصدمت فيها مني شرحات لي بهاد دقة ومن باب فضول قلت ليها واش موك شرحات بحال هوكا ؟
كوثر : راني قلت لك ديجا هادشي ولا عادي !
أنا : واش دارت بيه ؟
كوثر : حرقاتو
أنا : وعلاش خرجات كتجري ؟
كوثر : مشات دير تحصين حيت قلت ليها لقيتو فعتبة ديال باب دارنا ..
كان هاد تقاف هو اخر حاجة لقيتها رغم اني حاولت لبحث مرار وتكرار لكن مصادر معلومات كانت قليلة واكتفيت فقط بسمع قصص من واليدة ( قصة بغلة لقبور ، وعيشة قنديشة ...) حتى بديت نسى موضوع .. وبعد ربع سنين طلعت لتاسعة وجات معايا كوثر تاني فنفس قسم وفنفس سنة بانت موجة انترنيت وبدى بحث تاني لكن فمنحى اخر ....
يتبع .
تكملة قصة ==>> جزء الخامس قصة كريم
وصلنا لكازا حطني واليد عند باب دار ومشى هو لخدمتو طلعت وانا تلاقى بختي سلمت عليها وقالت لي بلي مني مشتي ول بارح وكوتر كتسول فيك ..
قلت : ولاش بغاتني ؟
قالت : ماعرت ! راه جات عندك تال دار
قلت : وشافتها واليدة ؟
قالت : اه هي لحلات ليها باب ..
وايني هاد لقردة ماكتحشمش .. كملت طلوعي وانا خايف لتبدى واليدة تغوت عليا حيت عارف كوتر برگاگة وخفت لتعاود ليها قضية "مسيكة" او تقول ليها بعض فروض لمجبتش فيهم مزيان ناهيك عن حشمة انني دازت عندي بنت ..
دخلت لدار قلت سلام عليكم وانا نتخبى فبيت .. شوية دخلات واليدة وقالت لي : راه جات سولات فيه بنت مليكة (كوتر) مني سولتها اش بغيته قالت بلي هو عارف ؟
قلت : اه غي واحد دفتار خلاتو عندي ..
شوفة لي شافت فيا بحالا كذباتني ناضت من بلاصتها وقالت : راه كذاب كينعلوه ملائكة وخرجات
فديك لحظة طلع لي دم وقررت نخرج عندها ... لقيتها مجموعة مع بنات فدرب بْنْت ليها وجات عندي وانا نسمعها جميع انواع سب وقلت ليها اخر مرة تحط رجلك فديك دار ... بقات تشوف فيا وانا كنغلي وجاوبتني ببرود قالت : ياااه على مقعدين راه ولا عادي بنت دوز عند ولد وعكس
أنا : عادي عندكم ماشي عندنا اش بغتني ؟
كوثر : جات عندي سلمى وسولاتني فين ساكن تا وقالت لي مانقولهاش ليك ! يعني داكشي لقلت لك راه صدق
أنا : وانا مالي الله انعل ****** نتي وياها هادشي علاش سمعت معاني من عند واليدة .. ومشيت وخليتها
أسرة كوثر هو وسط منتاشر فيه ميوعة بشكل كبير ختها لكبيرة في إما ندوز قدام ليسي فين كتقرى كتبان لي مع صاحبها وخوهم لكبر منهم "مشومي" لا خدمة لا ردمة وبعض مرات كيجيب بنات اطلعهم لدارهم بلعلالي قدام والديه وشراب وطاسة وحشيش وما الى ذلك .. ، بحكم انا دار دارهم ولخو شاد برطما لراسو ولمخير ميقدرش اهدر معاه حيت واخد ديك صفة ديال لمشرمل وانه هو واعر فدرب .. اما الام فمقابلة شوافات وعين وحسد ونسات تربية ولادها والاب هو لحلقة الاضعف فهاد الاسرة ديما ساهي بحالا موكلة ليه و هو لكيصرف عليهم ..
رجعت لدار وسديت عليا لبيت جبت ديك شرويطة وحيدت دوك عقد لفيه تم بديت ندورها حيت كانت ملوية ... ريحة لكنت كنشم فيها بحال ريحة بول مجهداا و خاانزة درت جوج ميكات فيدي من باب لحتياط ..
غي حليتو وهو اطاير عليا شعر كحل حيت كان بزااف وعقدة كانت مزيرة عليها ،
قلبت فهاد شعر كثيف لقيت بلاستيكة مربوطة قطعتها و وسطها كاينة تصويرة ديال بنت (لعروسة) بيض وكحل دايرين ليها فوطوكوبي وفيها شي بقع حمرين وشي حاجة بيضة كتلسق وورى تصويرة كاينة كتبة مامفهوماش يلاه قدرت نميز بعض كلمات ( زوج و زوجة ، بحق ، "وديما حرف "قاف" كيتعاود فكل كلمة")
مافهمت والو فقررت انني نوريها لكوثر باش توريها لمها ،
مشيت لعند كوثر وبديت نرطب فيها ونطلب منها سماحة بدات كتنفخ عليا وتقول لي تا كتجي غير على حاجتك يلاه قول اش بغيتي .. وقبل مانقولها حلفتها كتر من عشرة مرات باش ماتقولش لمها بلي انا لعطيتو ليها تم جبت تصويرة وديك شرويطة
كوتر : شنو هذا ؟
انا : هذا هو تقاف
تخلعات ورجعات جوج خطوات لور وقالت لي بعد عليا هادشي وبعد طلب ومزواكة هزات داكشي فطرف ديال كارتون ولحيت عليها باش تقول لمها بأنها لقاتو فعتبة ديال لباب .. وافقات ومشات
تسينتها قدام باب دارهم شي ربع ساعة .. شوية خرجات مها ببيجامتها كتجري ودارت مع دورة جهت جامع وتبعتها كوتر لجراتني لجردة عاد بدات تشرح لي ، قالت بلي ديك بقع حمرين هو دم حيض عروسة وديك حاجة بيضة هو مٓنيِ رجل وكتبة هو فقط نداء لأحد جن او شيطان باش امنع اي علاقة دارتها هاد مرى مع اي واحد من غير هاد راجل لي لاح مني ديالو فهاد تقاف ..
تصدمت فيها مني شرحات لي بهاد دقة ومن باب فضول قلت ليها واش موك شرحات بحال هوكا ؟
كوثر : راني قلت لك ديجا هادشي ولا عادي !
أنا : واش دارت بيه ؟
كوثر : حرقاتو
أنا : وعلاش خرجات كتجري ؟
كوثر : مشات دير تحصين حيت قلت ليها لقيتو فعتبة ديال باب دارنا ..
كان هاد تقاف هو اخر حاجة لقيتها رغم اني حاولت لبحث مرار وتكرار لكن مصادر معلومات كانت قليلة واكتفيت فقط بسمع قصص من واليدة ( قصة بغلة لقبور ، وعيشة قنديشة ...) حتى بديت نسى موضوع .. وبعد ربع سنين طلعت لتاسعة وجات معايا كوثر تاني فنفس قسم وفنفس سنة بانت موجة انترنيت وبدى بحث تاني لكن فمنحى اخر ....
يتبع .
تكملة قصة ==>> جزء الخامس قصة كريم
