جزء السادس : كريم
مني وصلت لثانوية شريت واحد تليفون رخيص فيه انترنيت وفاجئني خالد بلي باهم شرى ليهم بيسي وبقيت كنتعبس معاهم حتى تعلمت ليه صيبت كونت فيس بوك و شفت بزاف ديال فيديوهات ديال رقية شرعية وكيفاش بنادم كيهتز مني كيسمع لقرآن وفنفس وقت دويت مع بزاف شيوخ ومنجمين وتاحد مابغى اعطيني راس لخيط بدون مقابل مادي حتى لقيت راسي تقبلت فواحد جروب فل فيس كيدوي على هاد مواضيع ديال جن ...
كان لكينشر فهاد لجروب خليجي وهو ادمن ديال لجروب واي من اعضاء بغى اطرح سؤال كتوجه ليه ديركت وكانت جل منشورات كدوي عل جن وكيعطي دليل بقرآن وباينة عليه رجل متقي الله
سيفت ليه انفتاسيون ماقبلنيش وعاودت سيفت ليه ميساج قلت ليه ممكن سؤال خلا لي vu
ومجاوبنيش فطاحت عليا فكرة انني نصيب كونت بنت ونجرب .. صيبتو فأقل من خمسة دقائق غي سيفت ليه فلبلاصة قبلني وقالي (هاي) بدينا كنهدروا حتى قالي (انتي من وين) قلت ليه (من مغرب) سيد بحالا تكعد وبقى كيقولي (حبيبتي ونور عيوني) فعرفت بلي هاد خونا احدى مكابيت عاشق للحم مغربي رخيص (لا اعمم) ..
بقيت كنهدر معاه ايام وايام باش اتيق فيا حتى جا داك نهار لقلت ليه ممكن اطرح سؤال قالي (من عيوني اثنين) فسألتو عن كيفية استدعاء لجن قالي (اجاوبك لكن بعد ماترسلي لي صورتك ) قلبت عندي ففيس على شي تصويرة بنت تكون عندها فورمة وفنفس وقت اكون عندها بزاف ديال تصاور باش فيما اطلبني نسيفط ليه لقيت وحدة فسيفتها ليه بدى عليا (حللللوة) وعطاني واحد طريقة وقالي اذا درتها تحمل مسؤليتك : اتاخذ بيضة وتبيتها فلمقبرة لمدة 48 ساعة وخاص تكون ليلتين قمرية دير حفرة صغيرة عند رأس ميت وحطها تما ومني نجيبها نتقبها من لتحت ونخوي بيض لبيض على شكل صليب وندور عليها ملحة ونشعل وسطها شمعة ونخوي فيها شوية بخور كيما كان نوعو ونطفي ضو .. تم نجيب ايزار الابيض فيه جوج ميترو بضبط نفرشو عل الارض ونتمم بشي كلمات كتبهم لي وقالي بلي هاد كلمات هي لغة لجن وأكد ليا ان اذا بانت شي حاجة مانحاول ننطق بتاشي كلمة والاهم انني مانقربش منها ...
ولحسن حظ قال غدا سيكتمل قمر .. لغد ليه ديت بيضة لمقبرة شهداء كانت قريبة لينا دخلت ليها على انني بغيت نزور ومشيت لأبعد قبر باش مايشوفهاش لعساس حفرت حفرة صغيرة و حطيتها تما وخرجت تسنيت ديك يومين كأنها عام وجدت ايزار وبخور جبتو من عند عطار وعقلت على دوك كلمات جبت لبيضة وطلعت لبيت لفسطح ، كان ديك ساعة حوالي عشرة ليل .. عمرني تخلعت تال هاد وقيتة وكان واحد راس كيقول اش غادي نستافد كاع لدرتها وعلاش بضبط داك صليب ؟ لكن فكرة نشوف هاد مخلوقات هي لخلاتني نواصل ..
تقبت بيضة وخويت بيضها فوق طابلة على شكل صليب لكن تفاجئت مني لقيت بيض لبيض ولا كحل بحال قطران ، دورت عليها ملحة تم طفيت ضو وشعلت شمعة وخويت عليها لبخور وفرشت ايزار فأرض وبديت كنتمم بدوك كلمات غريبة حتى وصلت لأخر جملة (زطرج ،ابهريم ايوا بت ملاا , سلل طبيلوا ميدك ، بت ملا جه بدن هاه هاه كاه.) هذا مقتطف وماعدوا تاشي تأثير حيت ناقص .
بعد لحظات تسمعات شي حاجة طرطقات وطفات شمعة رغم اني ساد شراجم ولباب شوية بان لي لإيزار كيتحرك وبحال شي حاجة تحت ايزار كتطلع بشوييية حتى تكوْن جسم واقف فيه شي مترو ونص
انا تجمدت فبلاصتي ودرت ايدي على فمي باش منغوتش ومع ايزار شفاف كتبان لي شي حاجة كحلة وراه ، بدا داك مخلوق كيدور فراسو وفلحظة وقف راسو لجيهتي وبحالا كيشوف فيا تم بقى كيهبط الى ان رجع ايزار لمكانو .. ترعبت فهاذي اول مرة نشوف شي حاجة بحال هوكا بقيت كنقرب لإيزار بشوية الى ان جريتو ومالقيت والو تحتو فضربتها بجرية لدار ...
دازت يومين وعجبني داك احساس ديال خوف وديك اثارة لحسيت بها مني شت داك مخلوق فكنت كنعاودها مرة فشهر حتى كيكتمل القمر رغم اني درتها فأيام عادية كان مكيوقع والو ومني استفسرتو قالي بلي مني كيكتمل قمر كينشط عالم جن وشياطين وكيكثروا قرابين من سحرة ..
حتى جا داك نهار لسخن عليا راسي ومادرتش بنصيحة خليجي قلت مني اطلع تاني نحيد ليه لإيزار ونشوف اش غادي ابان كاع .. لكن اجلتها بسباب مصيبة دارتها كوثر ...
يتبع ..
مني وصلت لثانوية شريت واحد تليفون رخيص فيه انترنيت وفاجئني خالد بلي باهم شرى ليهم بيسي وبقيت كنتعبس معاهم حتى تعلمت ليه صيبت كونت فيس بوك و شفت بزاف ديال فيديوهات ديال رقية شرعية وكيفاش بنادم كيهتز مني كيسمع لقرآن وفنفس وقت دويت مع بزاف شيوخ ومنجمين وتاحد مابغى اعطيني راس لخيط بدون مقابل مادي حتى لقيت راسي تقبلت فواحد جروب فل فيس كيدوي على هاد مواضيع ديال جن ...
كان لكينشر فهاد لجروب خليجي وهو ادمن ديال لجروب واي من اعضاء بغى اطرح سؤال كتوجه ليه ديركت وكانت جل منشورات كدوي عل جن وكيعطي دليل بقرآن وباينة عليه رجل متقي الله
سيفت ليه انفتاسيون ماقبلنيش وعاودت سيفت ليه ميساج قلت ليه ممكن سؤال خلا لي vu
ومجاوبنيش فطاحت عليا فكرة انني نصيب كونت بنت ونجرب .. صيبتو فأقل من خمسة دقائق غي سيفت ليه فلبلاصة قبلني وقالي (هاي) بدينا كنهدروا حتى قالي (انتي من وين) قلت ليه (من مغرب) سيد بحالا تكعد وبقى كيقولي (حبيبتي ونور عيوني) فعرفت بلي هاد خونا احدى مكابيت عاشق للحم مغربي رخيص (لا اعمم) ..
بقيت كنهدر معاه ايام وايام باش اتيق فيا حتى جا داك نهار لقلت ليه ممكن اطرح سؤال قالي (من عيوني اثنين) فسألتو عن كيفية استدعاء لجن قالي (اجاوبك لكن بعد ماترسلي لي صورتك ) قلبت عندي ففيس على شي تصويرة بنت تكون عندها فورمة وفنفس وقت اكون عندها بزاف ديال تصاور باش فيما اطلبني نسيفط ليه لقيت وحدة فسيفتها ليه بدى عليا (حللللوة) وعطاني واحد طريقة وقالي اذا درتها تحمل مسؤليتك : اتاخذ بيضة وتبيتها فلمقبرة لمدة 48 ساعة وخاص تكون ليلتين قمرية دير حفرة صغيرة عند رأس ميت وحطها تما ومني نجيبها نتقبها من لتحت ونخوي بيض لبيض على شكل صليب وندور عليها ملحة ونشعل وسطها شمعة ونخوي فيها شوية بخور كيما كان نوعو ونطفي ضو .. تم نجيب ايزار الابيض فيه جوج ميترو بضبط نفرشو عل الارض ونتمم بشي كلمات كتبهم لي وقالي بلي هاد كلمات هي لغة لجن وأكد ليا ان اذا بانت شي حاجة مانحاول ننطق بتاشي كلمة والاهم انني مانقربش منها ...
ولحسن حظ قال غدا سيكتمل قمر .. لغد ليه ديت بيضة لمقبرة شهداء كانت قريبة لينا دخلت ليها على انني بغيت نزور ومشيت لأبعد قبر باش مايشوفهاش لعساس حفرت حفرة صغيرة و حطيتها تما وخرجت تسنيت ديك يومين كأنها عام وجدت ايزار وبخور جبتو من عند عطار وعقلت على دوك كلمات جبت لبيضة وطلعت لبيت لفسطح ، كان ديك ساعة حوالي عشرة ليل .. عمرني تخلعت تال هاد وقيتة وكان واحد راس كيقول اش غادي نستافد كاع لدرتها وعلاش بضبط داك صليب ؟ لكن فكرة نشوف هاد مخلوقات هي لخلاتني نواصل ..
تقبت بيضة وخويت بيضها فوق طابلة على شكل صليب لكن تفاجئت مني لقيت بيض لبيض ولا كحل بحال قطران ، دورت عليها ملحة تم طفيت ضو وشعلت شمعة وخويت عليها لبخور وفرشت ايزار فأرض وبديت كنتمم بدوك كلمات غريبة حتى وصلت لأخر جملة (زطرج ،ابهريم ايوا بت ملاا , سلل طبيلوا ميدك ، بت ملا جه بدن هاه هاه كاه.) هذا مقتطف وماعدوا تاشي تأثير حيت ناقص .
بعد لحظات تسمعات شي حاجة طرطقات وطفات شمعة رغم اني ساد شراجم ولباب شوية بان لي لإيزار كيتحرك وبحال شي حاجة تحت ايزار كتطلع بشوييية حتى تكوْن جسم واقف فيه شي مترو ونص
انا تجمدت فبلاصتي ودرت ايدي على فمي باش منغوتش ومع ايزار شفاف كتبان لي شي حاجة كحلة وراه ، بدا داك مخلوق كيدور فراسو وفلحظة وقف راسو لجيهتي وبحالا كيشوف فيا تم بقى كيهبط الى ان رجع ايزار لمكانو .. ترعبت فهاذي اول مرة نشوف شي حاجة بحال هوكا بقيت كنقرب لإيزار بشوية الى ان جريتو ومالقيت والو تحتو فضربتها بجرية لدار ...
دازت يومين وعجبني داك احساس ديال خوف وديك اثارة لحسيت بها مني شت داك مخلوق فكنت كنعاودها مرة فشهر حتى كيكتمل القمر رغم اني درتها فأيام عادية كان مكيوقع والو ومني استفسرتو قالي بلي مني كيكتمل قمر كينشط عالم جن وشياطين وكيكثروا قرابين من سحرة ..
حتى جا داك نهار لسخن عليا راسي ومادرتش بنصيحة خليجي قلت مني اطلع تاني نحيد ليه لإيزار ونشوف اش غادي ابان كاع .. لكن اجلتها بسباب مصيبة دارتها كوثر ...
يتبع ..
