جزء الخامس : أمين "وحداني"

جزء الخامس : أمين "وحداني"


من نهار طلب منها امين سماحة .. اي ويلي فيما اتلاقاها تلوح تبسيما ولا ضحك ليه ولا ايقول "سلام" وهي ترد "عليكم سلام"... وبعض مرات كان كيوقف فراس دربهم وكيتسنها حتى تخرج من دار وكيشمي كيجري اضرب دورة غي باش تبسم ليه ...

بقا حال كما هو عليه شي سمانة مكاينش نهار لمشافش تبسيمة بنت ومن كتر شوماج وانعدام اصحاب ولا غي مقابلها وحفظ كاع وقت ل كتخرج من دار باش تسخر ...
حتى جا داك لحد مع ديك 10 د صباح عرف بلي درب كيكون خاوي نوعا ما فديك وقيتا .. مشا امين لدربها وبقا واقف كيتسنى حيت عارف انها مع عشرة كتخرج تجيب بارزيان ..
شافها خارجة و سبقها جهت باتسيري شرى تاهو جوج بارزيانات وتم خارج حتى تلاقاها قالت : سلام رد : عليكم سلام يلاه بغات تكمل طريقها ووقف قدامها و قال جملة بسرعة باش تاني مايشدوش داك رُهاب : .. بغيت فيس تاعك ..
بانت عل بنت حشمة وهبطات راسها وقالت ليه عطيني تا سمية وانا غانأجوتيك .. عطاها امين سمية بزربة وزاد فحالو ..

مشا لدارهم فرحان وتفرنيسا ماقدرش احبسها ومرة مرة كيحل فيس فتليفون اشوف واش اجوتاتو .. تعطلات بزااف تسناها نهار كاملة حتى طاح ظلام بقى كيفكر علاش هي ماعطاتوش سمية واش حيت دايرة سمية صعيبة بحال "Fàtï xà" ولا "MinoCha" وسمية لكتصطيه بضحك هي "Fñikicha" دخلنا عليكم بالله واش هادو اسماء 

.. خاف امين تكون دايرة بحال هاد اسماء قوة "لزاكصو" بلا فايدة خصوصا ان هاد لِ كونت كيكونو عامرين بلعنيبات وصعيب تجاوبو حيت كيكون شحال من واحد كيهدر فنفس وقت ولا غي صدراتو قالت ليه سير تنأجوتيك وهي غي بغات تفك منو ...
بقاااا كيفكر حتى جاه جوع مشا لكوزينة عالج شوية ورجع ضرب طلة عل تليفون ووالو ... وصلات 11 دليل وبدا كيفقد امل خشى تليفون تحت مخدة ويلاه بدا كيجيه نعاس حتى فيبرا فبلاصة جبد تليفون حل فيس وغاتبان ليه انفيطاسيو ...
اقبل انفطاسيون من وحدة سميتها "Chaimae Folane" اسم عادي بلا زواق ، ضرب تسركيلة فبروفايلها اخر ستاتي ديالها لاحتو هادي ست شهور وغير غيرت صورة بروفايل و مكتلوحش لي ستاتي وهذا عجب امين بزااف ..
وهو كيتسركل ايجيه ميساج من عندها 
- سلام 
جاوبها صافا ... حمد لله ... الخ ... وتعرف عليها سميتها شيماء 17 سنة طالعة لباك .. مابغاش اسولها شحال جابت فجهوي لتصدق تاهية تقوليه ونتا اقولها 4 وهذا اول نقاش مجاتش .. 
مع مدة غايزيد اتعرف عليها بأنها ساكنة مع باها ومرتو وتحولوا عاد تلت شهور لأسباب عائلية .. سولها امين علاش كتكونكطا غي بليل؟! .. جوباتو بلي مرت باها كتهلكها بشقة نهار كامل واخا مايكون مايدار تقولها خملي ولا عاودي سيقي مهم انها ماتشوفهاش مريحة .. الا نهار سبت كيكون باها مخدامش بعشية وكيخرج مرتو وهي كترتاح شوية .. وديك عشية كتسركل لراسها يإيما تريح فجردة ولا سيبير
امين : وعلاش متشكايش لواليد ديالك ؟ وماماك فين مشات ؟..
شيماء : هههه دار راه ديال مرتو الا تشكيت اتجري علينا ومعدنا فين نمشيو بخصوص واليدة ماشي وقتو باش نعاود ليك ...
تعجب امين هاد خيتنا هازة هم دنيا ومزال كضحك واخا ورى "ليكرو" لكن كان كيحس بضحكة خارجة من قلب ... قالت ليه بعّد على هاد موضوع ودوي ليا عليك نتا .. بقا عاودلها على حادتة و صحابو ليقلبو عليه .. وكان كيحس بهادشي لا شئ مقارنة بها هي ...
دازت يام وولفو بعضياتهم وولا كيهدر معاها كل ليلة مرة اضحكوا ومرة اجبدو مواضيع ومكتسالي هدرة تال تلاتة صباح كان ديما امين تيقولها سيري ترتاحي لكن هي كتفرض بحجة انها تاهية ماعدها معامن تجمع حتى صحابتها جرات عليهم مرت باها ...
وصل يوم جمعة وهاهو امين مخشي تحت ايزار كيتسناها .. وهاهية حلات ...
-مادموزيل صافا 
-ههه وي صافا بيان موسيو إ توا ؟
- أوسي
شيماء : ههه قولي امين علاش غداً مانخرجوش انا وياك منها توريني كازا كيديرا ومنها نعرفك عن قرب
هنا امين تبدل فيه لون ولاح تليفون بحالا شاف شي شيطان .. عمرو تخيل راسو خارج مع بنت وعمرو توقع انها طلب منو هكذا طلب وهو لكيعرف دري لكيطلب ماشي عكس ... هز تليفون و حاول اقلب موضوع
امين : كيدايرا كازا .!؟ لاباس عليها راها كتسلم عليك
شيماء : هههههه واش موافق
ماعدو مايدير سوى انه قالها موافق حيت الا قال لا باينة ماغتبقاش تهدر معاه والا قلبات عليه غادي احس بفراغ كبير .. وكانت ديك ليلة هي اكفس ليلة فحياتو ...

يتبع ...