جزء الرابع : امين "وحداني"
بعد تقريبا ربع ساعة سمع دقان فباب ...
حلات الام وبقى كيسمع مو كتحيِي خديجة ناض امين بغا اخرج مع شد بواني ديال باب إيحلو غيطيح فراسو واحد بلان .. هو الا قالت خديجة لمو بلي شي حد ضرب بنت بحجرة فسطح لحداكم ..
خاف مو تشك فيه خصوصا انه نهار ومطال وهو فسقف زيادتاً بأن توتر لفيه وعرق لخارج منو غايزيد فضحو ...
قرر ارجع اتكا فبلاصتو وعشية كاملة وهو خايف لتحل مو باب على غفلة وتقوليه نتا لضربتيها حاول اتصنت عليهم لكن صالون بعيد عال لبيت لفيه هو وفيما كان كيسمع شي خطوات كيتلاح فوق سداري وكغطي راسو بإزار زعما ناعس .. دازت ديك عشية على هاد حال حتى غربات شمس وسمع تاني مو كتودع خديجة ومع سدات ام باب ايخرج امين لصالون تسنا مو حتى جمعات طالبة وكيشوف فيها ياكما كتشوف فيه شوفا ناقصة ..
سلات ام من جميع طابلة رجعات تاني لصالون شعلات تلفازة و دارت مي دأن تيفي كتفرج فقصة ناس .. حاول امين اكبح داك توتر وبقا كيتعصر حتى خرج لكلام من فمو
امين : واليدة اش طرا فديك دار لفزنقة 20 ؟!!
دارت ام شافت فيه و تعجبات واخيرا ولدها دوى وهو كاعما معبس .. طلقات واحد ضحكة خفيفة ودارت جهت تلفازة وسبقات كلامها ب"كتجي اولدي غي فدراوش" وبقات كتحكي ليه قصة كيما قالتها ليها خديجة بلي هادوك ناس تحولوا عاد هادي تلت شهور (مدة لكان مريض فيها) وبلي مسكينة ديك بنت معديا عليها مرات باها (ديك سيدة حتى شكلها لا يوحي بأنها مها) .. ديما شقا وضرب بل وحتى جيران كيسمعوا غوات بنت وزادت فيه هاد صباح واش مع 12 وشمس مطنطنا قالت لبنت نوضي سيقي سطح فهاد صهودات .. استغرب امين وهو كيصنت ولحد الان ماجبدات حس ضريب بلحجر وخا هكاك حس بذنب .. كملات ام بلي بنت مسكينة مقدراتش تصبر وطاح ليها طونسيو وسخفات سولها امين واش ضربها شي حد بلحجر ردات الام اشمن حجر ؟؟
امين : والو والو كملي
قالت ليها خديجة بلي فرملية سولات مرت باها اش كادير بنت فسطح .. بقات سيدة كتقلب فعينها ومجاوبتهاش ولاحظت خديجة فرجل لبنت شي ضرابي خيبين .. فاقت بنت وهبطتها فرملية لدارها حاولت خديجة بسنطيحتها تدخل معاها لكن ديك عقروشة مرت باها سدات باب وراها ..
رجعات روح فأمين وعرف بلي لوم كولوا طاح فمرت باها وفنفس وقت بقات فيه بنت ..
ديك حجرة مكبراش لدرجة انها تسخف بنت ومخرج لا دم لا والو كيما سمع من مو .. حمد الله وحس بشفقة حشومة داك زين اضيع فشقة وعذاب ..
امين ماقدرش اطلع لسقف تاني حيت صدمة مزال مفاتو وبقا غي كيتفرج فتلفازة ولا اتكنوكطا واخا ماعدو معامن اشاطي واكترية كيتجلوق فجردة ولا كيخيط دروبة ...
واحد نهار بعد تقريبا 4 يام على سخفة بنت اتبان عند حانوت وغايهرس ديك حشمة وحاول اطلب منها سماحة ..
كان كيزيد جوج خطوات واحبس رجعات حالة توتر وتزير بزااف .. وصل حدا حانوت وتسنا بنت حتى سالات وهزات شي ميكات تقال وزادت
.. تبعها تاني وراس اقول نقول مانقولش وهو غادي وحرب نايضة فراسو .. غايزعم وغايقول "ختي" غوت أ امين راك قلتها فخاطرك "ختيييي" .. حطات بنت دوك ميكات و قدات نضاضر و دارت لجيهتو قالت "نعاام اخويا" .. حْنى امين راسو لرض وماقدرش اشوف فوجهها وبنبرة حشمان
قال : سامحني
بنت : وعلاش ؟!
امين : انا هو لشيرت بديك حجرة كنت قاني على حمامة وجات فيك سامحني
دورات بنت ايديها ورى راسها وقالت وهي كضحك : قوليا نتا لدرتي هاد بوقالة وانا صحابني طيحا من سخفت هههه انا لخاصني نشكرك على ديك يومين ديال راحة ...
هزات ميكات قاليها نعاونك لكن رفضات حيت عطا الله كاميرات ومشات وبقا امين متبعها بعينيه وهو كيفرنس حتى دارت مع دربها ...
يتبع ...
بعد تقريبا ربع ساعة سمع دقان فباب ...
حلات الام وبقى كيسمع مو كتحيِي خديجة ناض امين بغا اخرج مع شد بواني ديال باب إيحلو غيطيح فراسو واحد بلان .. هو الا قالت خديجة لمو بلي شي حد ضرب بنت بحجرة فسطح لحداكم ..
خاف مو تشك فيه خصوصا انه نهار ومطال وهو فسقف زيادتاً بأن توتر لفيه وعرق لخارج منو غايزيد فضحو ...
قرر ارجع اتكا فبلاصتو وعشية كاملة وهو خايف لتحل مو باب على غفلة وتقوليه نتا لضربتيها حاول اتصنت عليهم لكن صالون بعيد عال لبيت لفيه هو وفيما كان كيسمع شي خطوات كيتلاح فوق سداري وكغطي راسو بإزار زعما ناعس .. دازت ديك عشية على هاد حال حتى غربات شمس وسمع تاني مو كتودع خديجة ومع سدات ام باب ايخرج امين لصالون تسنا مو حتى جمعات طالبة وكيشوف فيها ياكما كتشوف فيه شوفا ناقصة ..
سلات ام من جميع طابلة رجعات تاني لصالون شعلات تلفازة و دارت مي دأن تيفي كتفرج فقصة ناس .. حاول امين اكبح داك توتر وبقا كيتعصر حتى خرج لكلام من فمو
امين : واليدة اش طرا فديك دار لفزنقة 20 ؟!!
دارت ام شافت فيه و تعجبات واخيرا ولدها دوى وهو كاعما معبس .. طلقات واحد ضحكة خفيفة ودارت جهت تلفازة وسبقات كلامها ب"كتجي اولدي غي فدراوش" وبقات كتحكي ليه قصة كيما قالتها ليها خديجة بلي هادوك ناس تحولوا عاد هادي تلت شهور (مدة لكان مريض فيها) وبلي مسكينة ديك بنت معديا عليها مرات باها (ديك سيدة حتى شكلها لا يوحي بأنها مها) .. ديما شقا وضرب بل وحتى جيران كيسمعوا غوات بنت وزادت فيه هاد صباح واش مع 12 وشمس مطنطنا قالت لبنت نوضي سيقي سطح فهاد صهودات .. استغرب امين وهو كيصنت ولحد الان ماجبدات حس ضريب بلحجر وخا هكاك حس بذنب .. كملات ام بلي بنت مسكينة مقدراتش تصبر وطاح ليها طونسيو وسخفات سولها امين واش ضربها شي حد بلحجر ردات الام اشمن حجر ؟؟
امين : والو والو كملي
قالت ليها خديجة بلي فرملية سولات مرت باها اش كادير بنت فسطح .. بقات سيدة كتقلب فعينها ومجاوبتهاش ولاحظت خديجة فرجل لبنت شي ضرابي خيبين .. فاقت بنت وهبطتها فرملية لدارها حاولت خديجة بسنطيحتها تدخل معاها لكن ديك عقروشة مرت باها سدات باب وراها ..
رجعات روح فأمين وعرف بلي لوم كولوا طاح فمرت باها وفنفس وقت بقات فيه بنت ..
ديك حجرة مكبراش لدرجة انها تسخف بنت ومخرج لا دم لا والو كيما سمع من مو .. حمد الله وحس بشفقة حشومة داك زين اضيع فشقة وعذاب ..
امين ماقدرش اطلع لسقف تاني حيت صدمة مزال مفاتو وبقا غي كيتفرج فتلفازة ولا اتكنوكطا واخا ماعدو معامن اشاطي واكترية كيتجلوق فجردة ولا كيخيط دروبة ...
واحد نهار بعد تقريبا 4 يام على سخفة بنت اتبان عند حانوت وغايهرس ديك حشمة وحاول اطلب منها سماحة ..
كان كيزيد جوج خطوات واحبس رجعات حالة توتر وتزير بزااف .. وصل حدا حانوت وتسنا بنت حتى سالات وهزات شي ميكات تقال وزادت
.. تبعها تاني وراس اقول نقول مانقولش وهو غادي وحرب نايضة فراسو .. غايزعم وغايقول "ختي" غوت أ امين راك قلتها فخاطرك "ختيييي" .. حطات بنت دوك ميكات و قدات نضاضر و دارت لجيهتو قالت "نعاام اخويا" .. حْنى امين راسو لرض وماقدرش اشوف فوجهها وبنبرة حشمان
قال : سامحني
بنت : وعلاش ؟!
امين : انا هو لشيرت بديك حجرة كنت قاني على حمامة وجات فيك سامحني
دورات بنت ايديها ورى راسها وقالت وهي كضحك : قوليا نتا لدرتي هاد بوقالة وانا صحابني طيحا من سخفت هههه انا لخاصني نشكرك على ديك يومين ديال راحة ...
هزات ميكات قاليها نعاونك لكن رفضات حيت عطا الله كاميرات ومشات وبقا امين متبعها بعينيه وهو كيفرنس حتى دارت مع دربها ...
يتبع ...
