جزء التالت : أمين "وحداني"
فاش شافها امين شادة فراسها تخلع و تلف وماعرف مايدير ... فلبلا طاح لرض باش ماتشوفوش وبقا غادي زاحف حتى وصل لسلوم وهبط وهو كولو كيلهت ديك ليد باش شيّر بها بقا كيضرب فيها مع حيط ندم وبقا فيه حال بزااف بغا غي تشوف لجيهتو وهاهية كاع شاف لجهتك اش غادي تكول ليها اراس طنجرة !! رجعات تاني ديك حالة فصام راس ديالو غيفنجر بقوة تفكير شنو غايدير .. بغا اطلع تاني اطلب منها سماحة لكن خاف تكون ديك سيدة طلعات ..
قرر ارجع لدار ومع دق باب اتحل ليه مو وغاتقول : "جابك الله سير تسخ... اويلي امين مال ايديك !!"
جاوبها امين بعدم مبالاة : غي طحت فسطح ارى اش غانجيب
ام : دخل بعدا غسل ايديك
دخل امين وغسل ايديه وجدات ليه مو واحد بانضة حيت ايدو كانت عامرة دم .. دارها امين فايدو وبقات ام كتقول ليه جيب دانون فاني وخمارة .... بغات دير كيكة سولها امين باشمن مناسبة وهي تقوليه بلي غاتجي عندنا "خديجة" ... هز امين بكتافو وبلا هواه قال "تفو" وخرج .. هاد خديجة بركاكة PRO مقابلة غي اعراض ناس و ساكنة غي فدرب لحدا جردة مابعيداش بزااف و كتجي عند ام امين مرة فسيمانة وفيما كتجي كيتشاركو فواحد طجين ديال نميمة منو مكان عمر امين سمعهم كيدويو فشي موضوع مفيد مكاين غي هذا تزوج هذا طلق وهاذي سلخها راجلها ... ديك لعشية كيغلاضو بذنوب .. واخا تا ام امين كتمشي معاها فلخط ..
خرج امين عند مول حانوت لكاين فراس درب عطاه دوك مقادير فلوقت لمول حانوت كيوجد فيهم .. غايدور امين اضرب طلة عل درب .. و غايتصدم مني غايشوف ديك سيدة لكانت مع بنت كتجري ببجامتها جهت فريمسيان .. غايشد امين فراسو "ناري ياكما قتلتها" ..
ايطلب مول حانوت اخلي عندو داكشي بما يجي وغايمشي كيجري لجهت فرمسيان .. وقف حدا باب فرمسيان و ركبو رعب فاش سمع ديك سيدة كاتزاوك ديك فرمليا باش تجي معاها .. هزات فرمليا واحد باليزة وتبعتها .. امين بغا اجري فحالهم لكن رجيله فشلوا وبقا غي كيتمشى وايديه عل حيط باش مايطيحش القضية فيها حبس سيد لونو تخطف ولا صفر .. وصل لدارها غي بزز ولقا بنادم مجموع حدا باب بقا بعيد كيشوف حيت تا ولاد دربهم كانو تما ومبغاتش اتخلط معاهم خصوصا انه هو مول فعلة وفوسط هاد زحام وهاد صداع اتبان ليه واحد سيدة غليظة و لابسة جلابة كحلة وطالقة دوك زغيبات لعندها فرسها وهي جاية بخطوات سريعا جهت جوقة .. امين ايبقا اركز ليها فوجهها حيت شكلها مألوف .. تبا إنها "خديجة" وبلا حشمة بلا حيا اتشق خديجة طريقها وسط رجال وكتدافع نيت مع بنادم حتى طلعات مع دروج ديال ديك دار ..
رجع امين لعند مول حانوت وعاقد الامل بأن خديجة مني غاتخرج من ديك دار غادوز لدارو وغاتقول لمو اش طرا .. سولو مول حانوت فين مشيتي قاليه امين بلي كليكة مجموعة قدام واحد دار فزنقة 20 وماعفرش اش طرا !! جاوبو مول حانوت بلي سمع شي غوات ديال شي مرا جايت جيهت ديك زنقة ..
زاد تخلع امين هز تقديتو ومشا لدارو مرعوب ... عطا مو سخرة واسد عليه بيت وهو كولوا كيترعد وبعض مرات كي سجد وادعي الله مطراش ليها شي حاجة خيبة .. وخديجة ليمكانش حاملها هاهو كيتسناها بأحر من جمر ... بعد تقريبا ربع ساعة ايسمع دقان فباب ....
يتبع ...
فاش شافها امين شادة فراسها تخلع و تلف وماعرف مايدير ... فلبلا طاح لرض باش ماتشوفوش وبقا غادي زاحف حتى وصل لسلوم وهبط وهو كولو كيلهت ديك ليد باش شيّر بها بقا كيضرب فيها مع حيط ندم وبقا فيه حال بزااف بغا غي تشوف لجيهتو وهاهية كاع شاف لجهتك اش غادي تكول ليها اراس طنجرة !! رجعات تاني ديك حالة فصام راس ديالو غيفنجر بقوة تفكير شنو غايدير .. بغا اطلع تاني اطلب منها سماحة لكن خاف تكون ديك سيدة طلعات ..
قرر ارجع لدار ومع دق باب اتحل ليه مو وغاتقول : "جابك الله سير تسخ... اويلي امين مال ايديك !!"
جاوبها امين بعدم مبالاة : غي طحت فسطح ارى اش غانجيب
ام : دخل بعدا غسل ايديك
دخل امين وغسل ايديه وجدات ليه مو واحد بانضة حيت ايدو كانت عامرة دم .. دارها امين فايدو وبقات ام كتقول ليه جيب دانون فاني وخمارة .... بغات دير كيكة سولها امين باشمن مناسبة وهي تقوليه بلي غاتجي عندنا "خديجة" ... هز امين بكتافو وبلا هواه قال "تفو" وخرج .. هاد خديجة بركاكة PRO مقابلة غي اعراض ناس و ساكنة غي فدرب لحدا جردة مابعيداش بزااف و كتجي عند ام امين مرة فسيمانة وفيما كتجي كيتشاركو فواحد طجين ديال نميمة منو مكان عمر امين سمعهم كيدويو فشي موضوع مفيد مكاين غي هذا تزوج هذا طلق وهاذي سلخها راجلها ... ديك لعشية كيغلاضو بذنوب .. واخا تا ام امين كتمشي معاها فلخط ..
خرج امين عند مول حانوت لكاين فراس درب عطاه دوك مقادير فلوقت لمول حانوت كيوجد فيهم .. غايدور امين اضرب طلة عل درب .. و غايتصدم مني غايشوف ديك سيدة لكانت مع بنت كتجري ببجامتها جهت فريمسيان .. غايشد امين فراسو "ناري ياكما قتلتها" ..
ايطلب مول حانوت اخلي عندو داكشي بما يجي وغايمشي كيجري لجهت فرمسيان .. وقف حدا باب فرمسيان و ركبو رعب فاش سمع ديك سيدة كاتزاوك ديك فرمليا باش تجي معاها .. هزات فرمليا واحد باليزة وتبعتها .. امين بغا اجري فحالهم لكن رجيله فشلوا وبقا غي كيتمشى وايديه عل حيط باش مايطيحش القضية فيها حبس سيد لونو تخطف ولا صفر .. وصل لدارها غي بزز ولقا بنادم مجموع حدا باب بقا بعيد كيشوف حيت تا ولاد دربهم كانو تما ومبغاتش اتخلط معاهم خصوصا انه هو مول فعلة وفوسط هاد زحام وهاد صداع اتبان ليه واحد سيدة غليظة و لابسة جلابة كحلة وطالقة دوك زغيبات لعندها فرسها وهي جاية بخطوات سريعا جهت جوقة .. امين ايبقا اركز ليها فوجهها حيت شكلها مألوف .. تبا إنها "خديجة" وبلا حشمة بلا حيا اتشق خديجة طريقها وسط رجال وكتدافع نيت مع بنادم حتى طلعات مع دروج ديال ديك دار ..
رجع امين لعند مول حانوت وعاقد الامل بأن خديجة مني غاتخرج من ديك دار غادوز لدارو وغاتقول لمو اش طرا .. سولو مول حانوت فين مشيتي قاليه امين بلي كليكة مجموعة قدام واحد دار فزنقة 20 وماعفرش اش طرا !! جاوبو مول حانوت بلي سمع شي غوات ديال شي مرا جايت جيهت ديك زنقة ..
زاد تخلع امين هز تقديتو ومشا لدارو مرعوب ... عطا مو سخرة واسد عليه بيت وهو كولوا كيترعد وبعض مرات كي سجد وادعي الله مطراش ليها شي حاجة خيبة .. وخديجة ليمكانش حاملها هاهو كيتسناها بأحر من جمر ... بعد تقريبا ربع ساعة ايسمع دقان فباب ....
يتبع ...
