جزء الخامس و الاربعون : حاروغ

 جزء الخامس و الاربعون : حاروغ

ضحكت وانا كنشوف فيه ، لكن بقى كيشرح لي بشوية عليا من اول نهار طلاقتيه ، كان قصة طويلة بينات لي مدى حقد وكره لي فقلبو بل قالي حتى مدير و عدد من موظفين كلهم متشوقين باش اشدوك  ..

سولتو وقلت : هادشي كامل على قبلي ؟!

حرك راسو بأه تم طرح لي سؤال باقي عالق فذهني لحد الان : واش تقبلي بسفاح ؟!

منكذبش عليك الكريم بقيت كنشوف فيه وانا كنقول فخاطري : قصدتي بنت خطأ ، فديك لحظة بذات مصدقتش هاد تخريف لقال لي عليه ، لكن اكون هادو كاملين ضدك ونتا بوحدك تقاتل على من ؟! عليا !  فتمنيت هادشي لكيعاود اكون حقيقي .

قلت : علاش ؟!

طاحت دمعة من عينيها وقالت : انجاوبك علاش قبلت بيك ، حيث نتا وحيد فهاد عالم لعاطيني قيمة  ، تخبي عليا انك تا غاتكلف بعملية بابا خوفا من انك تحسسني أني بحال عاهرة لي خلص كثر اديني بل اوصل بيك الامر تقتل على وحدة بلا قيمة بلا معنى ، واش عارف احساس بلحكرة وانك مكتسوى والو ، واش عارف احساس ان بكاك وغواتك مكيسمعوا تاواحد وان لي تقالت ديريها بلاما ترفض ، لو نوصف هاد ليلة كاملة داك احساس مانقدرش ن...

قاطعتها وقلت : انا اكثر واحد عارفو ، دابا علاش كتبكي ؟!

تخلطت ليها ضحكة بلكية و قالت : راني عايشة فحلم ، وكتقولي علاش قبلت بيك راه حمااق هذا راه بجوجنا ماشي طبيعيين ، انا كنقلب على لعطيني قيمتي ونتا داير مستحيل باش توصل ليا ، كريم جاوبني بصراحة واش بصح مندمانش ؟

قلت : قلت ليك لا ، فهاد دنيا كاين رابح وخاسر ،انا فهمت لاش عاودتي نفس سؤال  ، زعما صفيتهم كاملين وغانبرك مع راسي ونقول ناري اش درت واش فعلت ، حياتي كاملة وانا عايشها خاسر وراضي بالامر واقع لكن شوفي فرق دابا ، كلمتي ولات مسموعة وخديت بنت لكنحب ، تخيلي لو ماتحركش لو مانضتش بدلت واقع بيدي ، كنتي غاتكوني مزالة غارقة فبكاك وانا بارك كنضرب فحيط بغضب .

بقات كتشوف فيا شحال ودموعها مقدارتش تحبسهم قالت : عندك حق .

مسحت ليها دموعها وانا كنزيد نقرب حداها ، قالت : واش نقدر نشوف داك كتاب ؟

قلت : غدا نوريه ليك !

قالت وانا وجهي حدى وجهها : علاش خديتي هاد مدة كاملة ، علاش ماصفيتهمش دغيا ؟!

ضحكت وقلت : خليتك تسناي بزااف ازين ديالي ، داكشي معقد وفيه قواعد بزاااف .

قالت : واخا تعاود ليا ؟

قلت :  مبغيتش نزيد نكد عليك حيث داكشي فيه عذاب و موت ، لكن غدا كنواعدك غنعاود لحبي كلشي من نهار بدات قصة الى ان وصلت لملكة جمال ديالي .

حطات يديها بجوج فوجهي تم ...........

فصباح يوم تالي ، فقت قبل من منها وكانت ناعسة لي على ذراعي ،  بقيت مبلوكي هكاك ومكنش بغيت نتحرك نهائيا باش مانفيقهاش ، تأملت فوجهها مزيان وانا مبتسم ومرة مرة  كنقيس ليها شعرها ، طاحوا فبالي بزااف الافكار ، فكرت ندورها خارج لبلاد نشوفوا لي عمرنا شفناه لكن وقت لغانضيعوا في ادارة مغربية على لوراق ولا حتى طريقنا لمكان ما ، هذا كولوا وقت ثمين زايد فيا .

لكن الاهم  واش نعاود ليها انه مابقى لي والو و نموت او نخبي عليها خصوصا ديك ساعة رملية لنهار على نهار كتنقص ، وقبل حتى ما تفرح بيا تلقى راسها بوحدها .

فاقت بعدما نملات لي ذراعي حلات عينيها بصعوبة وهي كتقول : صباح لخير احبيبة ..

جوبتها ببصباح لخير ازين ، كي صبحتي ؟!

وليت داك صباح "نزار قباني" ، وانا بارك نتغزل بيها بكلمات و بقبلات ، خلاتني نتسائل واش هادي هي "رومانسية" حيث عمري مكانت لي تجربة معاها ، كنت معاها كنسى انني غانموت على يد شيطان و بديك طريقة لي ابشع من موت مروان ، الاهم عندي الان هو نستمتع بكل لحظة وهي بجنبي .

دوشنا تم تاصلت بخدمة غرف اطلعوا لينا فطور ، فطرنا بطريقة وكلني نوكلك ، تم قدات سارة بركة وقالت : واعدتني بارح غتعاود ليا وانا متشوقة نعرف .

ضحكت وقلت : متشوقة ؟!

قالت : اه متشوقة نعرف كيفاش تبدلتي ، اجي قبل مانبداو واش كنتي متبع فيديوهات ديال تنمية ذاتية ؟!

قلت : اكبر مخربقين على وجه الارض هدرة لخاصك تقولها راسك كيقولوها لك وبثمن من لفوق ، على تبعتي نتي شي واحد وقالك ان اول خطوة لتغيير هي تشيري على مك ببلغة .

ضحكت بدموع وهي كتقول : تستاهل كانت تسحاب راسها بلي انا لغانمنعك من قتلهم وانك ماحدك معايا ميخافوا والو ، انا عارف ماما مرة حارة مكترضاش ، كانت كتدوي على انك ذلتيها حيث ماعمرها ماجربات تكون مذلولة ، وانا كنت غارقة فيه ، ولفاتني نكون ديما ساكتة لكن نسكت على لي سبك قدام عينيا هادي مانقبلهاش ، شنو قالت لك مني خرجت ؟!

قلت : مقالت والو غي خليتيها مصدومة  ..

هزات كتافها بعدم اهتمام و قالت : علاج بصدمة مزيان بعض مرات  ، واخا بقى فيا حال شوية لكن الى بقيت ساكتة ليها غتصحابني بلي انا هي مدافعة عليهم وكل مرة تعرض ليك تحاول تبرد فيك غدايدها ، كريم فرضاً لو قلت ليك قتلهم ديرها ؟

قلت : لا .

قالت : علاش ؟

قلت : حيث نتي غيتنادم معاك حال عكسي انا !

بقات ساكتة وفوجهها نظرة كأنها كطلب مزيد من تفسير .

بقيت كنشوف فيها وانا مقرر انني مانخبي عليها والو ، نضت جبدت كتاب ورجعت بركت حداها وانا مربع رجليا ، حليت حاروغ قدامها وشفت ان ديك ساعة رملية نقصات لليوم تالت على توالي ، هزيت فيها راسي وقلت : قبل مانملك هاد كتاب مضيت عقد عطيت فيه نصف روحي .

قالت : لمن ؟!

قلت : لشيطان .

سرطات ريقها و رسمات فوجهها ملامح رعب ، طلبت منها تهدن حيث لماكنتش مستعدة مغنعاود ليها والو لا نصدق خالعها فتاني يوم لينا فزواج ..

خدات نفس عميق وقالت : غي عاود انا مستعدة ..

قلت : مكرهتش تجيبي كاس اتاي نحل بيه دماغ .

ابتسمت وقالت  : هي لولة .. وناضت .

مدات ليا كاس اتاي ورجعات بركات حداية خدات كتاب من يدي وبدات كتقلب فصفحاتو وقالت بدون ماتشوف فيا : كريم راني كنتسنى ..

خديت جغمة من وكاس و بديت ليها بأنني  مضيت عقد عطيت فيه نصف روحي لشيطان ، بمعنى شي حاجة سميتها ضمير مابقاتش عندي ..

قالت : يعني حتى لو قتلتيهم مايبقاش فيك حال ؟! ..

قلت : كنت كنحضر لجنايزهم كاع ، بديت ليك بهاد بند فعقد حيث كاينين شي ناس تما ظلمتهم و براسي ماعرفت هاد قضية تفات لفوت ، ونضمن انك متكتريش عليا اسئلة كيفاش عطاتك خاطرك  او واش قلبك حجرة ؟ ، باش تأنا نكون مرتاح مني نعاود ليك بلا ماتقطعني ..

حركات راسها بأه ..

خديت نفس عميق وبديت ليها من نهار لبدى فيه كلشي من مقبرة لديك خطوة لخرجات كتاب من تحت تراب ، واول اسم لكتبتوا لكان اسمي ، تطرقت لبراهيم وقالب لكان غايدير لي باش نبيع لكتاب تم تفرعت ليها بترتيب وبتفصيل لممل لكاع الاحداث لي دوزت على قبلها وانني الان وليت ربع روح ، شرحت ليها قواعد وتعقيدات كاملين على كتاب واخا واجهات صعوبة فلفهم فلول لكن فأخير استوعبات ، تم انتقلت لأخر حاجة لخلاتها تنهار عليا بلبكى ان مالك كتاب كيموت بنهاية عام غيبي ....

قالت بصوت متهدج مخلط بلبكاء : علاش ماخبيتيش عليا انك غاتموت وهذا تاني يوم لينا فزواج ؟

قلت : حيث مكنتيقش فهاد شيطان ، واش فعلا هادي هي نهاية عام غيبي ولا غي تاساليت من كتاب عاد بيِّن هاد ساعة ، اقدر فأي لحظة اجي ليا ، وانا علمتك باش متفاجئيش شي صباح مني تفيقي و تلقايني بلا راس ..

تأليف : Mohamed Amine

يتبع .....

تكملة قصة : جزء السادس و الاربعون حاروغ

************************************