جزء الثالت و الاربعون : حاروغ
،
سكوت علامة
رضى لكن
بهاد نظرة
سكوت علامة
خرج *** عطيني
تيساع .. حنيت
راسي فضعف
قدام عينيها
وطاحت دمعة
سرعان مامسحاتها
هي بيديها
وقالت وهي
كتشوف فيا
: أنا قابلة
....
صورتها
كانت كتمٓوج
بكثرة دموع
لتجمعوا
فعيني ،
وهي مبتاسمة
فوجهي بواحد
ابتسامة
ساحرة ،
بقيت كنتأمل
فيها لمدة
مكانتش
بقصيرة
، هاد
لحظة هي
لكنت كتسنى
، هاد
فرحة من
حقي تأنا
نحس بيها
، كان
فمي كيترعد
وماعرفت
مانقول
، اخييراً
وصلت .. وصلت
ليها ... وصلتي
الكريم
...
سديت
عيني خلات
كاع دوك
دموع لتجمعوا
سالوا فخدي
، خديت
نفس عميق
واسمتعت
بديك لحظة
فنشوة ،
اجي مروان
اشدني او
حتى شيطان
اقتلني
او نكون
من مبشرين
بجهنم ،
نعيش حياتي
بلاما نحس
بهاد فرحة
حاجة ميمكنش
لي نتخليها
، احرق
كل عظم
تدفن فطريقي
ليها..
حليت
عيني بسؤال
عدل عن
صداق ؟
شفت فأم
سارة وانا
كنمسح دموعي ،قالت
: لي تافقوا
عليها !
تافقنا
على تمن
رمزي كيف
قالت سارة
: مهم هو
نأديو فريضة
، تم
مد ليا
عدل عقد
زواج ،
خديت ستيلو
و مضيت
بإمضاء
مغاير الإمضاء
ملكية حاروغ
، كنت
بغيت نتفايل
خيراً بهاد
زواج ..
جا
دور على
لسارة تمضي
بدورها
، مضات
عقد زواج
وخلاها
عدل تمضي
عقد ملكية
دار ،
حطات ستيلو
فوق عقد
وهزات راسها
فيا و
فرحة بادية
عليها ،
ضحكت وانا
كنشوف فشعكاكتها
و وجه
لعامر بلقميش
ودم لكيسيل
من انفها و
فنفسي كنقول
ان هذا
هو زواج
مناحيس
، كنت
بغيت ادوز
زواج طبيعي
نتعشاو
نتناقشوا
و نضحكوا
شوية وناخذها
تاهية من
باها معززة
مكرمة ،
لكن تا
خ*** مدازت
طبيعية
.
ختمنا
بدعاء ،
وتافقت
مع مول
دار وعدول
وسمسار
اتسناوني
عند باب
باش كل
واحد ياخذ
حقو ،
رجعت نظري
لسارة وببتسامة
قلت : حلم
تحقق .
حنات
راسها فحشمة
بدون متجاوبني
، قلت
: نوضي قادي
حالتك هاني
كنتسناك
..
ناضت
دخلات بيتها
وانا كنشوف
ف مها
بغضب وكنحرك
راسي بأه
كأني كنتحلف
عليها ،
قلت
: هادشي لي
طلبت منك
؟! غبرتي
باها وجبتي
ليا واليدة
تمنعني
منها !
قالت :
كريم مك
جات بوحدها
..
قلت
: وباش عرفات
ان هاد
نهار هو
لغانجي
فيه ؟!
قالت
: ماعرفت
، عاودات
لينا على
كلشي !
قلت
بصدمة : قدام
سارة ؟!
حركات
راسها بأه
وقالت : بغيت
نسولك ،
مناش مصنوع
نتا ؟!
قلت
: كيفاش ؟!
قالت
: كيفاش خطيبتك
ماتت بيومين
هادي وجاي
تزوج بنتي
!
سرطت
ريقي وبقيت
ساكت .
كملت
وقالت : الى
ماتت خطيبتك
بعد هادي
يومين كيعني
حاجة وحدة
انك تا
لقتلتيها
، انا
مفهمتش
ديك سارة
علاش قبلات
بيك ! ...
بقيت
كنشوف فيها
و فخاطري
كنقول : حيث
عارفة او
.....
شفت
ورايا كنتأكد
من ان
سارة مغتسمعناش
، نضت
بهدوء بركت
حدى مها
وحطيت يدي
فعنقها
وزيرت عليها
بقوة وقلت
بصوت خافت
: ياكما ابنت
ل **** قلتي
ليها بلي
هددتك ؟!
ياكما فرضتي
عليها تقبل
عليا بحال
داك عزيز
؟!
قالت
بصعوبة
: اقسم بالله
ماقلت ليها
شي حاجة
هي من
راسها قبلات
... طلق م
... جرات يدي
بقوة وغواتات
: طلق مني
...
بقيت
قاجها وانا
كاعما متيقها
، فلو
كانت عارفة
اني قاتل
أمة باش
نتزوج بيها
وقبلات
بيا فهاد
بنت ماشي
طبيعية
، هذا
يعني حاجة
وحدة ان
هاد **** فرضات
عليها ..
سمعت
خطوات سارة
جايين طلقت
من مها
بسرعة وبركت
حداها كأن
تاحاجة
موقعات
، بقات
مها كتكحب حدايا
وانا كنشوف
فسارة وهي
كتقولي
يلاه ..
مع
وقفة لغانوقف
وهي تقول
مها : نعلة
الله وعليكم
بجوج ...
درت
خنزرت فيها
وانا كابح
غليان دم
ابزز ،
ولولا سارة
لواقفة
كتشوف فينا
لا ركلت
ديل مها
..
قالت
وهي كتشوف
فعينيا
: خنزر فيا
، خرج
فيا عينيك
، عند
راسك خايفة
منك ،
غوتات وهي
كضحك : ماعدي
لاش نخاف
منك ماحد
بنتي معاك
ماتقدرش
تأذينا
، حيث
نتا مسكين
كتخاف على
بنتي كتر
مني انا
، اخر
واحد فكرت
فيه اذلني
هو نتا
، منين
خرجتي لينا
؟ تاتقول
ليا شنو
ندير وتعلمني
كيفاش نربي
بنتي واجيب
ليا هادي
وحطي ليا
هادي ،
واش اتخرج
من هنا
بلاما نبرد
نار لشعلتي
فيا ،
سارة سمعتي
مو اش
قالت سيد
كان خاطب
بيومين
وجا اتزوج
بيك ،
يإيما بجوجكم
واكلين
شي حاجة
من غير
لخبز او
ضارب بوكم
حمار ليل
حيث لحد
الان انا
لعارفة
ان مسخوط
تزوج بمسخوطة
...
درت
قبضة فيدي
وانا كنغزز
فسناني
، مبقيتش
قارد نكبح
هاد غضب
لفيا ،
غانهرس
لديل مها
هاد فمها
باش ما...
فجأة
! غوتات سارة
ورايا وقالت
: سكتييي
!! .... ودازت شي
حاجة سريعة
حدى وذني
.. جات فوجه
مها ،
سرعان ما
قدرت نستوعب
ان سارة
شيرات على
مها ببلغتي
...
درت
شفت فسارة
وانا متفاجئ وهي
هازة بلغة
تانية و
مشيّراها
فوجه مها
وقالت وبكى
غلب عليها
: تزيدي كلمة
وحدة نسمح
فيكم بجوج
ونخليك
تخافي من
كريم ...
ضحكت
مها بجنون
وقالت بثقة
: ماتقدريش
...
عاودات
شيرات عليها
وهي كتغوت
بحر جهدها
: سكتييييي
... وانا معارفش
مني جابت
هاد دقة
تاجابت
ليها بلغة
تاني فوجهها
.. كنت كنشوف
فيها وانا
عينيا محلولين
لأقصى حد
وهي كتقول
بلحرف : والله
وتزيدي
كلمة تاتباتو
بجوجكم
فروضة ...
قالتها
بثقة ديال
وحدة غاديرها
و واحد
نظرة فوجهها
خلعات واحد
بقات عندو
ربع روح ،
تباً ،
انا عمري
شفت سارة
بهاد حالة
، حتى
لو غضبات
بكلمة ولا
جوج تسامحك
و لو
تغلط فحقها
غلطة مكتغفرش
هي تقولك
مكاين باس
وتبتاسم
فوجهك ،
هادي مكتعاملش
اي واحد
! هادي راه
مها !! ،
شكون لي
خلاها تولي
بحال هكا
؟!
سرطت
ريقي وفخاطري
كنقول انني
تزوج بنت
ماشي طبيعية
، تأكدت
ان مها
مفرضاتش
عليها تزوج
بيا بل
هي من
نفسها قبلات
، هادي
يعني حاجة
وحدة انها
عارفة شنو
دوزت تاوصلت
عليها ....
يتبع ......
**********************************
