جزء التامن عشر : حاروغ
قال : وصلوا هاد عشية وغان... ..
قاطعتو و قلت : صافي ، نقص هدرة بغيت نتأكد من واحد حاجة
..
قال : لي هي ؟
قلت : نعاود نكتب اسماء فايت لي كتبتهم ؟
قال : قلت ليك مستحيل !
قلت : والى عطيت ملكية كتاب لشي حد اخر ، وعاودت رديتو
لملكيتي ؟
بقى ساكت بدون رد
قلت ليه : جاوب ، ياك نتا قلتي ليا لو بغيت نسمح اي اسم نعطي ملكية لشي حد اخر !
قال : يعني تمضي عقد اخر ؟!
قلت : ماعنديش مشكل
قال : لحد الان نتا معارفش علاش مضيتي وبدم من مضيتي ؟
قلت بإستغراب : بدم من ؟
قال : مالك سابق !
سرطت ريقي و سكت للحظة وبقيت كنشوف فتليفون وبحالا فهمت ان مالك جديد غايمضي بدمي ، قلت : بمعنى ان ملكية غانفقدها بموتي
!!
قال : بالضبط .
قلت : مكاين تا حل نهائيا !
قال : يمكن في حالة وحدة .
قلت : لهي ؟
قال : تعرف اسمائهم فعالم غيبيات !
قلت : كيفاش ؟
قال : لكل قرين اسم خاص لمستضيفوا بمعنى سميتي براهيم و(كنية) لكن قرين عارفني باسم اخر كايكون عندو وفاش كيبغي اوسوس لي كسبق هاد اسم .
قلت : ومني غانجيب هاد اسم ..
قال : ماشي بسهل ، خاص تدفع بربع روحك لقرين لباغي تجبد اسم مستضيفوا ونتا اصلا عاطي نصف !
قلت : عاطي نصف ؟
قال : عقد لمضيتي عطيتي فيه نصف روحك ..
مافهمتش معنى فديك لحظة ، لكن حسيت انها شي حاجة خطيرة قلت بصدمة : كيفاش دافع نصف روحي ، وانا اصلا عقد مقريتوش سنيت وماعرفتش تاعلاش سنيت ؟
قال : قول هاد كلام لشيطان ، اي حاجة خاصة بيه تلمسها تملكها ، جاتني غريبة انك متفاجئ
!! واش كظن ان شيطان ايقدم خدمة بدون مقابل بل مقابل كبيير ..
سرطت ريقي وبقيت غاساكت ، كيفاش نصف روحي ؟! وشنو كاع ايستافد لاخدى هاد نصف وشنو غانفقد انا ؟!
قلت : شرح لي كيفاش فقدت نص روحي !
قال : هاد مبدأ لخدام عليه كتاب وهو مشروح فهاد سطرين لغانترجم ليك وغنحاول نبسطها ليك ..
قلت وخلعة شداني : طلقنا !!
قال : تخيل روحك سحابة شفافة عندها راس ويدين ورجلين كجسم كامل مواصفات ، وتخيل ان هاد جسم مقسوم عمودياً بنصف ، نص مشى ليهم ونص باقي عندك ، هذا كيفسر فقدان احساسك بذنب وانك تا مسؤول على لوقع لناس وهوما هادشي لي باغين ورباح عندهم انك تستعمل لكتاب بكثرة ..
قلت : والى جاب الله وتدفعات روحي بلكامل
قال : غاتولي أسوأ من فرعون ..
ضحكت وقلت : عندي اخر سؤال !
قال : سول !
قلت : كون ماستعملش كتاب شنو كان غادي اوقع ؟!
قال : الى متستعملش ايبقى عندك ربعين يوم بعدها غايتبطل عقد وترجع نصف روحك وكتاب غايقلب على مالك جديد لكن محدك استعملتيه ... خبار فراسك ..
قلت : كنتي عارف هادشي كامل وماقلتي لي والو ! ..
قال : ههههه كولا و ثمنو ! حلفتني بعدما حنسرتي !
قلت : لكن تا بغيتي نبيع كتاب بشرط ابقى فملكيتي !!
قال : وهاتة عرفتي سبب لاش بغيت ابقى فملكيتك ..
سديت عيني بشوية وخديت نفس عميق حاولت نكبح بيه هاد غليان دم لفيا حليت عيني ببطء و قلت ببرود : محمد المختاري بن حسين بن يامنة ، كتبان لي جات وقيتة صفحة 13 تشرف بهاد اسم .
خلى vu وسكت ، وبعد لحظات قصيرة سمعت تليفون كيصوني
.. شديتو و اول جملة سمعت انا مستعد ندير لبغيتي غي ماتكتبش اسمي
!..
يتبع .
****
**** **** **** ****
