جزء الثاني : لامين

جزء الثاني : لامين


بقيت كنخمم تا حسيت بلحكة بين حجباني لي تلقاو ، حكيتها لقيت فيه "كُرادة" صغيرة لحتها وانا تقول تفوو من دابا غانمشي عند بنت عمتي واخا نعرف نغتاصبها اللهم لحبس فيه بنادم ولا حديقة حيوان ...

فطريقي لدارها تراجعت حيت دارها بعيدة خاصني ليها طوبيس ودمي لكان سخون بغضب برد فديك لحظة وفكرت ، اصلا من كلاخ نمشي دابا بدون مانفكر اش غانقول ولا اش ندير ، دابا كاع لامشيت اش غانقول ؟ سلام عمتي فين هي بنتك المصونة صافي تما نزرب عليها مجاتش ، اغتصاب خاصني نحيدو من بالي ونمشي معاها بلاتي هي احسن ، عندي مشاكل مع بنات وسبب المظهر تانا حلمت ببنت تكون معايا ونتشادوا اليدين ونعيشوا قصة قيس و ليلة ، لكن لا مظهر لا شخصيتي لا صوتي كيعاونوني ، لكن مع بنت عمتي انا مضطر نجرب ، اولا نحاول ما امكن نحسن من مظهر نحسن زغب زائد فوجهي نطراسي لحية و نقص من شعري ، لغد فصباح مشيت عند لحلاق حسنت بعدها بقال شريت خمسة ديال مكنات حسانة وماركة مزيانة تبلكاو لي ربعة بقوة زغب بل بعض مرات داك موس لفمكينة كيبقى عالق لي وسط الزغب وخاص مكبرة باش نجبدوا مني كملت لقيت مشكل .

المشكل لزاد عصبني هو ديك خضورية مابعد حسانة فجبهتي وفنيفي وحدى عينيا كانوا بينين بشكل فاضح غي وجهي كانوا خاصينو خمسة ماكن هادشي غي ماهبطش لإبطين وغابة استوائية ...
مشكل لخضورية لقيتي ليه الحل هو ندير طبقة خفيفة من ديك بومضا ديال شمس ، خذيتو من بيت أختي وتفاجئت فعليا بنتائج كانت كتبان بشرتي صافية وخضورية غبرات ، طبعا حسيت بكرامتي رجوليا تقاست وكأني وليت شاذ ونبذت راسي ، لكن واش نقابل بنت باغيها تحبني وهي لغنتعالج منها بوجه بحالا مغطوس فربيع ! .

طلعت شوية تشاوك مشطت لحية و لبست احسن ماعندي و خرجت من دار و انا تيق فراسي لأول مرة من نهار بلغت ، طلعت لطوبيس وانا غي كنفكر اش غانقول ليها سلام أ ... ناري سميتها معارفهاش هوما جوجات لكن واش مريم لكبيرة ولا صفية ؟ .. مهم غانعرف فاش نوصل دابا خاصني نركز على كل كلمة انقولها .

وصلت لبلاكة تمشيت شوية مع تمرين خفيف لجسدي ، وقفت قدام الإقامة صونيت جاوبني خوها لكبر منهم كاملين . قلت ليه شكون انا وبعد سلام قالي طلع . واخا ماعنديش معاهم لكني غنحاول ..
طلعت لعندهم سلمت على خوها ومها ومبانتش تا بنت فدار قالت عمتي : اش هاد المجية أ كريم ؟
قلت ليها : واليدة قالت ليكم جيو تغذاو عندنا نهار حد (طبعاً قصة اختلقتها)
قالت عمتي : وكنتي غا تقولها فتليفون لاش معذب راسك !
تبا حصلت قلت ليها : لا بغيت انضرب دورة ونشوفكم ! عرفت انها مقتنعاتش بجواب وقالت مرحبا تسنى نعمر اتاي ! بقيت مريح حدى خوها و قلت شكون كبيرة مريم ولا صفية ؟
 قالي : صفية تم خنزر فيا وقال علاش كتسول ؟ 
قلت ليه : غا حيث نسيت عليهم . (قلت فخاطري مريم هي لبغيت ) ، شوية سمعت مها كتغوت على مريم تجيب بارزيان خرجات من بيت قاصدة كوزينة وكانت كتحاول تقاد شال ديالها دازت علينا شوية وقفات وسلامات عليا ببرود لاباس بخير ومشات ، كانت مقبولة شكل بلقة وحناك عامرين قصيرة و كتبان درويشة وهاد نوع صعيب صعيب صعيب طيحها ، مشات خدات فلوس وخرجات هنا قلت غانتعبها لكن غانثير شكوك عاد قالت عمتي تسنى نعمرو اتاي وهاد بارزيان على قبلي ، طاحت عليا فكرة نعمر لا لارم بدقيقة من دابا نهز تليفون نقول : واخا جاي دابا ونخرج وبالفعل داكشي لدرت قلت ليها عيط لي واليد وسمحلي بزااف راني مزروب قالت فقط سلم على ماماك وخرجت .. هنا بديت نتوتر ونعرق وهدرة توضرات لي تا وليت نفكر تاني نغتاصبها فدروج ونعلق...


 مشكل هو كيفاش نغتاصبها ، الا شديت ليها ايد وفم اتبقى يد وحدة حرة وغاتبقى تقمش فيا ، والا شديت يديها بجوج ففمها غايغوت واهبط خوها افرشخني ، الاغتصاب مستحيل حتى كاع لو جبت طومبيل وحكمت فمها وربطتها ولحتها فيها ، فخلعة ورعدة لفيا ماتخليني ندير ليها والو ، اغتصاب ببساطة كيبغيك تكون حيوان مكيرحمش ، وماعندي تا ضمانة أن جينة اتلاح فأول علاقة .

راسي ضرني بقوة تخمام قلت نصارحها ونتباكى عليها ، مريم عفاك عطيني ولا غانتحول للقرد وتقولي هي بإبتسامة واخا يلاه ، أم الكلاخ هذا تفووو علاش حياة معقدة ؟ .
جمعت نفس وخرجت عند باب كنتسنها بانت ليا جاية معنقة برزيان قاديت وقفة وريق اعباد الله مقادرش نسرطوا . بقات جاية توقفات حداية شافت فيا وقالت لي : صافي مشيتي ! 
شفت فعينها وقلت : أه واليد عيط لي ، مريم بغيت نسولك ؟
هزات حاجبها وقالت : اه سول ؟ ..
قلت : فاش كتقراي ؟
قالت : سانكيام 
قلت : بحالي كدوزي سوايع ولا لا ؟
قالت : مكنتش باغة ندوزهم ولكن ماما بززاتهم عليا .
هنا طاحت عليا فكرة .
قلت : واخا توريني فين كدوزيهم ؟
قالت : علاش واش محداكمش تما ؟ .
قلت : لا كاينين ولكن بثمن غالي بغيت نعرف فين كاينين بحال والو اندوزهم هنا .
قالت : تسنى نطلع بارزيان وهاني معاك .

حسيت براسي غادي مزيان مخنزراتش فيا ومقمعاتنيش لحد الان مريم ظريفة بحال شكلها . 
مشات طلعات بارزيان وهبطات وقالت يلاه نوريك . بقيت كنتمشى معاها وانا كنتعصر باش نقول شي حاجة ، تا قلت : مريم واش غا بوحدي لي كتباني لي بلي زيانتي 
دارت لعندي و وجهها حمر بلحشمة وقالت : لا غي عويناتك .
تمنيت لو نحيد حوايجي وندردك بلفرحة لكن فرحة خسراتها فاش قالت : أش داكشي لكحل لي فوذنك ؟ 
درت ايدي فوذني وقلت : لا غي خملة (اوااه امتا ناض لي زغب فوذني) 
ضحكت وقالت : خملة !؟ تمالك سداري ههههه ، بقينا كنضحكوا انا وياها واخا بقى فيا الحال ، تا وصلنا لمؤسسة فين كدوز سوايع كانت روض لأطفال قالت لي : هنا .. 
قلت : شكراً نهار الاحد جي نتي وماماك تغذاو معانا .
ابتسمت وقالت : واخا سلم على ماماك وختك مع سلامة ... ومشات


بقيت واقف كنشوف فيها كتبعد شوية مع بغات دور مع دورة وهي تدور وجهها لعندي مدات ايدها بحالا دارت لي باي باي وتأنا هزيت ليها ايدي وطلقت صوت خافت بلا مانشعر بحالا نداء تزواج عند قرودة . لو تحولت بشكل كامل كنت عارف غانطلقوا بصوت مسموع ، لذا مخاصنيش نضيع الوقت .

هزيت عيني فديك مؤسسة وبقيت كنشوف فيها كأنها احدى بيبان باش نتعالج ، غانعرف امتا ليامات لي كتقرى مريم فيها ، وغانقنع واليد ندوز سوايع هنا ، بغيت مريم تولف عليا وتيق بيا ، و مني نحيد هاجز لحشمة ونوليو نهدروا عادي ، فهاد مرحلة غادي نعتارف ليها بحبي والا مشات خطة كيف بغيت غادي تحبني حتى هي وهادشي كامل خاصو اكون فمدة قصيرة ، و غانكون فرشت طريق للفراش .. 

رجعت لدار وانا راضي على داكشي لداز مع مريم قلت للواليدة ان العمة جاية نهار الاحد تغذى ، قالت لي : شكون قالها لك ؟ 
قلت : ولدها لعيط ليا .. طبعا حياتي كلها كذوب .

دازت يومين من تفكير ايجابي بدون مانقول علاش انا من دون ناس ونبقى نتباكى ونلعن القَدْر حيث عارف هادشي ايزيد اعقد الامور ببساطة انا الان ما انا عليه العلاج صعب المنال لكني غنحاول ، جا نهار لحد ، حسنت تاني زغب لي ولى كينوض بسرعة رهيبة ، مع شوية "ليكرو" ، تفركست وشفت فمرايا وتقت فراسي .. جات عمتي ومعاها مريم وصفية .. دخلات مريم مع ختي فلبيت وبقات صفية وعمتي فصالون .. دقيت على ختي باش نشوف مريم لكنها سرعان ما خسرات لي ختي بلان كامل مني قالت اش بغيتي ؟ خلينا بوحدنا ، واش نتا بنت ؟ وبالفعل فرصة كانت غير سانحة .. سولت مريم وانا عند باب امتا كدوز سوايع ، قالت اثنين وخميس من ستة ونص لتسعود ولحد من عشرة لوحدة .
قلت وبشحال ؟
قالت : 200 درهم
شكرتها وخرجت ، داز نهار وانا غي كنترقب امتا ختي تبعد منها لكنها لصقة خصوصا مريم عزيزة عليها كثر من صفية ، صفية كانت تاهية فرصة ، ولكن كبيرة فعمر وكتبان معقولة بل سمعت انها مخطوبة .
داز نهار هكا وحمدت الله مني مقالتش عمتي اني انا لجيت لعندها وقلت ليها واليدة قالت لك جي اما كون تفرطت دابا ، بقاو عاطينها لملاغة الى ان مشاو ، وبليل قلت واليد باغي ندوز سوايع ، بدى عليا ولا خليهم تال عام جاي لعندك فيه جهوي ودابا راه غي انضيعوا ففلوس !
قلت ليه : لا خاصني دابا "نتبازة" على سيزيام باش كاع لا طلعت اجيني ساهل 
قال ليا : نتا عمرك دوزتي سوايع ونجحتي فكاطريام ا بتسعود كيفاش تا طلعتي ثناوي وجاك حب للعلم ؟
عرفتو باغي ازمطني وبلعربية تا عرابت بحالا كيقولي أ فلوس سوايع أ والله لا شميتهم ، لكني مع واليد عندي اساليبي قلت ليه : أن استاذ رياضيات قالي بلي انا حمار وعمرني مانطفرو بهاد دماغ لعندي وضحك فيا قسم كامل ، وهادوك لكيدوزو سوايع عندو مهلي فيهم لا فنقاط لا فمعاملة وانا ولي مكندوزوش عندو حاكر علينا ، وماشي غي هذا كاع استاذة مواد علمية هكا .
قالي : دابا بغيتني نحط فلوس سوايع باش ولدي اياخذ معاملة ملوك و نقطة متستهلهاش
قلت : لا انا غندوز سوايع ماشي عندو فبلاصة خرى ونخدم تمارين ونفهم دروس فدعم قبل من قسم باش مني ندخل للقسم فيما اسولني نجاوب وفلفرض نصدمهم بشي نقطة عالية وحتى لو بغى ا حكر عليا نقوليه هالفروض.
رسم واليد ضحكة فوجهو وحسيت بيه بحالا مفتاخر بيا ، بحالا داك تحدي الوهمي لي قلتو بغى اساعدني باش نربحوا ، قالي : الا كان هكا واخا ، ولكن مانفوتش 300 درهم لشهر .

فرحت مني وافق وبثمن لي قالي يعني 100 درهم  تبقى لي غا طرنسبور ، لحد الان خطة غادة بدون شوائب غادي بخطوة بخطوة ، عارف ان كثرت قنابل ديال الكذوب لي كنلوح اتفركع عليا شي نهار . لكن غاية تبرز وسيلة ....

يتبع ..

تكملة قصة ===>>> جزء التالت قصة لامين