جزء العاشر واخير : كريم

جزء العاشر واخير : كريم

وافق واليد وقال بلي هاد همزة ماخصنيش نضيعها .. تكاتبو وعطاه واليد مهلة سيمانة باش اجمعوا رحيل اخويو دار لكن عمي قاليه غادي اكيفيني غي نهار .. وفعلا فصباح تكتابوا وفلعشية رحلوا ..

تعجبت انا واليد من هاد زربة وقالي بلي كاينة شي حاجة ومخبينها علينا خصوصا انهم دغيا لقاو سكن ، وسيفطني نسول خالد مشيت لدرب فين تحولوا وكان خاصني نشد طوبيس عاد نوصل ليه صونيت عليه طلات عليا مو وقالت لي خالد مكاينش ، وخوه ؟ تاهو .. حسيت بيها كتكذب حيت ماقالت تا طلع تسناهم (زعما حنا ولاد عمام) ، بقيت عاصر حدى باب شي ساعتين هبط خالد غي شافني و هو اتبدل لونو ..
قلت : مكاينش ؟
خالد : لا راه كنت فسطح
انا : وباش عرفتني سولت عليك ؟ ماعلينا يلاه اريحو بغيت نهدر معاك
مشينا بركنا فواحد عتبة ديال واحد دار وسولتو عن سبب تحولهم بهاد سرعة حنى راسو وقال : نتا بحال خويا وهاد هدرة كان عليا من لول نقولها ليك لكن واليد (عمي) نهانا اننا دويو معاك فموضوع والا عرف انني قلت هاد هدرة فغادي اجري من دار
انا : اش واقع ؟
خالد : بدى هادشي نهار تحرقات ختك فديك ليلة كنا كنتعشاو فصالون ماعلينا ما بينا حتى دخلات علينا مرى لابسة جلابية كحلة وداير قب وبركات قبالاتنا وهيا حنايا راسها كلشي تخلع فديك لحظة وبدى شي كيشوف فشي ناض واليد وقاليها شكون نتي .. هزات لقُب بشوية والله مانكذب عليك اكريم احتى شفنا عندها عين وحدة فبلاصت نيفها تجمدت واليد فبلاصتو وناضت هي دخلات لبيت نعاس تبعها واليد ومالقهاش وهنا فين بدات كتوقع احداث لغريبة وليت تحط لحاجة فبلاصة تلقاها فبلاصة خرى وفليل كنسمعوا بحال شي كيطبل فطابلة جاب واليد اكثر من راقي لكن مني كيقراو قرآن كتبقا تطاير اشياء وتهرسوا كيسان الى ان كيسكتو وكلشي أٓجْمٓعْ بلي دار مسكونة بشياطين ماشي من جن ..
انا : اوا ومن بعد ؟
خالد : شاف حتى شاف واليد وقالينا بلي غايبيع برطمة لباك ولاو بدك ثمن رخيص كان بغى غي اتفك واستافد من الارض نهاني اني نهدر معاك تا فموضوع ومنعني نخرج والا شافني معاك فهادي هي لخرى ليا نتا بحال خويا تربينا وحنا صغار وبقات فيا واليدة ديالك بزااف ، انا عارف داكشي لدوزتوا ماشي ساهل (تم عنقني وقالي سمحليا)
بديت كنقول ليه بلي تا ماعلك والو وانا فداخلي كنسب لكنيا لجامعنا ..

رجعت لدار وكان ديك ساعة طاح ظلام عاودت لواليد كلشي تعصب وقال هي شمتني خويا سير عشي ختك وشربها دوى تال غدا اصبح وافتح .. طيبت جوج بيضات وكلتهم ليها وعطيتها دوياتها ونعسات ومشيت انا تكيت فصالون ومع حطيت راسي فمخدة داتني غفوة حتى فقت على صوت صداع كاسرونة (يعني ختي بغاتني) مشيت لعندها كنجري ولحق عليا واليد لقيتها كتبكي و كتشير بيدها فماريو وبحال بغات تقول شي حاجة مافهمتهاش ! فعطيتها ورقة وستيلو تكتب لي اش بغات .. وكتبات لي بلحرف ( ماما خرجات من ماريو بركات حداها وبقات كتلعب ليها بشعرها حتى نزلات عليها بتصرفيقة فضرابي لفوجهها وعاود دخلات لماريو)
.. قريتها عل واليد لسرط ريقو وقال نوضو دابا نمشيو فحالنا .

خرجنا طوال ومشينا لفندق بقيت انا مع ختي وخرج واليد .. بيتنا ديك ليلة بلا نعاس وانا كنشوف فختي كلها كترعد لغد ليه جا واليد فعشية قالي بلي قلتها الإمام جامع لكنه رفض اجي معاه بحكم انه فايت داه عمي واكد ليه فعلا بأن دار مسكونة بشياطين وان هاد نوع مكيخروج من دار ولو تقرى ليه ستين حزب ..
قلت : واش غانديرو
قال : انخرجوا نضبروا فين نكيرو ونحاول نبيع دار ..

مقدرش ابيعها حيت شاع خبر بأن دار ولات مسكونة فهزينا رحلينا منها وكرينا واحد بيت وكوزينة وبدات حالتنا مادية كتأزم ..
مامشيتش مدرسة هادي شهرين وانا مقابل غي ختي حتى دوك فلوس لكان ناوي واليد اعالج بيهم ختي داهم عمي مابقى عندو لا دار لا ارض وخلصة ماكفياهش يلاه اتكفى مع لكري ومع دويات ..

كانت مولات دار مرى كبيرة عرفات من عند واليد قصتنا اثرات فيها وبدات كتعاون معنا بعض مرات مرة تجيب لينا غذى وعشى ومرة مانخلوصش ليها شهر لكرى حتى قالت سير اولدي كملت قرايتك انا قابل ختك ...
وفعلا كملت دراستي ولا عندي هدف واحد هو ندي ختي تعالج برة هاد بلاد ولاو ارجع ليها غي جزء من وجهها حيت كتائبات وولات كتقولي انها كتفكر فانتحار عطيتها وعد الا ماوفيتش بيه انا لغنقتل راسي .. قريت سانكيام وسزيام وتفوقت فيهم وطلعت لباك لأنا فيه دابا ..
فلباك طلاقيت بأعز اصدقائي (أمين) ولينا أخوة ماشي غير صحاب .. كان شاب تقريبا قدي فطول شهب شوية وعنيه عسليين مهم مقبول وصافي ، ماعدوش مع بنات بحالي وهضرتنا مافيهاش ديك حواجز نسبوا واسبني الامر عادي .. وهو وحيد لشاف اختلاف فحنكي كذبت عليه فلول وقلت تزاديت هكا ..
كان دائما كيعرض عليا لدارو نحفظوا او نقصروا بلاي تكونات ديك تيقة وحكى ليا على مشاكيل لكاعشيها فدار وان واليديه واقفين عل طلاق كنحاول نصبروا وكنقول فخاطري بلي ماعدك والو اخويا مقارنة بيا .. كنت متردد بزاف واش نعاود ليه قصتي او لا خصوصا كنحس براسي هاز حمل تقيل فقلبي فقررت اني نعاود ليه تاصلت بيه وقلت ليه واش نمشيوا نتسركلوا جنب لبحر وافق وشدينا طريق باقي نعقل داك نهار كان ثنين لبحر خاوي وهادئ ..

شفت فأمين وقلت ليه غنعاود قصتي تيق ولا ماتيقش ماكيهمنيش
قال : ديما كنبغي نسولك علاش كتبان لي ديما مغموم وطايح عليك ضيم ؟
قلت : هانتا غاتعرف علاش بديت ليه قصتي نهار بدات فصف خامس ابتدائي عاودت عل واليدة (الله ارحمها) وفضول لشدني حول عالم جن كنت بغيت نستحضر لجن فخرج لي شيطان تم دويت عل كوثر وعمي وديك روينة كاملة .. شي ساعة ونص وانا كنحكي مانخبيش عليكم حاولت نقلد ليه نبرة واليدة ونجحت نوع ما حيت بان ليا تأثرت وقال : ناري ماغنعسش هاد ليلة .. وحسيت بلي خويت داك لحمل

دازت تقريبا شهر على اخر مرة عاودت ليه قصتي ... واحد نهار وانا واقف فساحة جا عندي امين ومد ليل دفتار ديال 

24

 ورقة وقالي قراه ورد عليا .. دقات طناش جبت ختي من عند جارة غديتها وطلباتني اني نخرجها هاد لعشية لبسات نقاب وشدات

 لي فيدي ديتها لمدينة و(Park) مهم حسيت بلي فرحتها ديك لعشية مني رجعنا شربتها 

دوى وتكات شوية ..

جبت داك دفتار لعطاني امين قريت جوج صفحات عاد فهمت وبقيت كنضحك غي راسي .. امين كتبت قصتي 

ودار اسماء مستعارة كتبها كما عاودتها ومنسى تاتفصيل قريتها كاملة رغم انها كانت طويلة لكني تعصبت ملي 

مالقيتش نهاية ... تاصلت بيه وطلبتو نتلاقاو فقهوة وديت معايا دفتار قلت ليه فلول شكرا ومكنتش عارف انك كاتب 

.. قالي : راه غي مرة مرة كنحركوا ايدينا وبما ان قصتك اترات فيا قررت نكتب عليها

قلت : لكن نهاية اصحبي مكايناش ؟

جبت ستيلو من جيبوا وقالي : نهاية نتا لغاتكتبها ...

شديتو فيدي وتلفت ماعرفتش اش غانكتب بقيت كنخمم شحال وقلت مانلقى ماحسن انني نكتب فلخر نصيحة 

وتكون قاصحة شوية انا لشاد ستيلو دابا ماستمتيش كريم انا هو لوقعات ليه جميع هاد الاحداث نصيحتي غاتكون 

صريحة : اي واحد ز** ليه ضمير وقال راسي يا راسي بغيت نشوفهم ودار شي طريقة عطاه ليه مشعوذ او ساحر او 

منجم فغادي غير اجيبها فرسوا ومتضرر الاكبر اسرتو «ربي خبى علينا داك عالم لحكمة لا يعلمها الا هو ولو كان فيه خير كون 

بينوا لينا»



انا لبقى فيا ماشي واليدة حيت مشات فين غانمشيو كاملين بقات فيا ختي لكنت كنفتاخر بها وهازا راسي قدام

ل**اب بما فيهم كوثر حيت واليدة ربات وعرفات اش ربات (الله ارحمها) ..

فيما كنشوف فختي كنلوم راسي وكلا نهار كنتف شعري بندم ، ندم لي مغيرجع والو هدفي وحيد الان هو ندي 

ختي تدوى حيت بغيت نشوفها كضحك تاني واخا اكون علاج خارج هاد بلاد ..

واخيرا وكيما قلت لأمين : تيق لقصة ولا ماتيقاهاش مكيهمنيش ، سلام عليكم

 كاتب  :  Mohamed Amine 

 #النهاية

ارائكم حول قصة خلي تعليقك تحت قصة هذا غايعطينا حافز لكتابة ونشر مزيد سوى  نقد ا او تشجيعا مرحبا بجميع اراء 

Med

تابعنا على :

رابط صفحة كاتب شخصية Mohamed Amine:

صفحتنا على فيسبوك : قصص بالدارجة المغربية

instagram : قصص بالدارجة المغربية

Twiter: قصص بالدارجة المغربية